Rikicin Sarautar Kano: Ɗan Sarki Sanusi II, Ashraf Ya Yi Shaguɓe Ga Aminu Ado Bayero
- Yayin da ake takaddama kan kujerar sarautar Kano, dan Sarki Sanusi II ya yi martani ga Aminu Ado Bayero
- Ashraf Sanusi Lamido ya ce babu Sarki a Nasarawa tun da fadar na karkashin masarautar Kano ne gaba daya
- Wannan martani na Ashraf na zuwa ne bayan tsohon Sarkin Kano, Aminu Ado Bayero ya shigo jihar Kano da safiyar yau Asabar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Kano - Dan Sarkin Kano, Muhammadu Sanusi II ya yi martani bayan Aminu Ado Bayero ya sauka a fadar Nasarawa.
Ashraf Sanusi Lamido ya bayyana cewa masarautar Nasarawa tana karkashin ta Kano ne kamar yadda kowa ya sani.
Asali: Twitter
Dan Sanusi II ya soki Aminu Ado
Ɗan Sarkin ya bayyana haka ne a shafinsa na X a yau Asabar 25 ga watan Mayu kan dambarwar da ke faruwa..
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wannan martani nashi na zuwa ne bayan mahaifinsa, Muhammadu Sanusi II ya dauki lemar sarauta wanda ke tabbatar da mayar da shi karagar mulki.
Hakan ya biyo bayan dawowar tsohon Sarkin Kano, Aminu Ado Bayero jihar da asubahin yau Asabar 25 ga watan Mayu.
Ashraf ya ce:
"Fadar Sarkin Nasarawa na karkashin masarautar Kano ne, babu Sarki a Nasarawa."
Aminu Ado ya shigo Kano
Tsohon sarkin ya samu tarba daga dubban matasa a jihar inda suke ta wake-wake da nuna goyon bayansi tare da addu'o'i.
Daga bisani, Gwamna Abba Kabir ya umarci cafke tsohon sarkin da zarar an gano shi saboda zargin neman ta da tarzoma a jihar.
Sai dai rundunar yan sanda ta yi fatali da umarnin inda ta tabbatar cewa za ta bi umarnin kotu da ta haramta matakin tube sarkin.
Ribadu ya musanta hannu a rikicin Kano
A wani labarin, kun ji cewa mai ba Shugaba Bola Tinubu shawara kan harkokin tsaro, Nuhu Ribadu ya magantu kan rikicin sarautar jihar Kano.
Ribadu ya musanta hannu a cikin zargin da ake yi kansa cewa yana kokarin dawo da Aminu Ado Bayero kan karaga a Kano.
Wannan na zuwa ne bayan gwamnatin jihar Kano ta zargi Ribadu da daukar nauyin Aminu Ado Bayero zuwa jihar da safiyar yau Asabar.
Asali: Legit.ng
