Malabu: Kotu Ta Yi Hukunci Kan Tsohon Ministan Jonathan da Ake Zargi a Karkatar da $1.1bn
- Wata babbar kotun tarayya da ke Abuja ta yi watsi da tuhumar da hukumar EFCC ke yi wa Bello Adoke, tsohon ministan Jonathan
- Hukumar EFCC na tuhumar Adoke ne da laifin zamba a cikin takaddamar lasisin neman mai (OPL) 245, wanda aka yi zambar $1.1bn
- Alkalin kotun, Inyang Ekwo ya wanke Adoke sakamakon EFCC ba ta gabatar da kwararan hujjoji ba da suka alakanta Adole da zargin
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Wata babbar kotun tarayya da ke Abuja ta yi watsi da tuhumar da ake yi wa Bello Adoke, tsohon ministan shari'a a zamanin gwamnatin Goodluck Jonathan.
Asali: UGC
Kotu ta wanke ministan Jonathan
Ana tuhumar Adoke ne da laifin zamba a cikin takaddamar lasisin neman mai (OPL) 245, wadda aka fi sani da badakalar cinikin mai na Malabu.
Kara karanta wannan
Yahaya Bello: Hukumar NIS ta umarci jami'ai su sanya ido kan motsin tsohon gwamna
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Alkalin kotun, Inyang Ekwo, ya amince da bukatar da Mista Adoke ya shigar bayan da hukumar EFCC, ta kammala gabatar da jawabanta, jaridar Daily Trust ta ruwaito.
Wanda ake tuhuma ne ya gabatar da bukata gaban kotun na ta yi watsi da karar hukumar EFCC ta shigar tare da wanke shi ba tare da ya gabatar da bayanan kare kai ba.
Adoke: EFCC ta gaza gabatar da hujjoji
Adoke ya gabatar da bukatar ne a kan cewa dukkanin shaidu da hujjoji da EFCC ta gabatar a karar, sun kasa alakanta shi da laifuffukan da ake tuhumarsa.
Talabin na TVCNews ya rahoto cewa mista Adoke yana fuskantar shari’a ne tare da Aliyu Abubakar, wani dan kasuwa, bisa zargin karkatar da kudade.
Ekwo ya yanke hukuncin a ranar Juma’a yana mai cewa EFCC ta gaza bayar da wasu kwararan hujjoji da ke alakanta Mista Adoke da laifin da ake zargin sa da aikatawa.
Kotun da ta fara wanke Adoke
Tun da fari, Legit Hausa ta ruwaito cewa wata babbar kotun birnin tarayya da ke Jabi, Abuja ta wanke Bello Adoke daga zargin aikata laifin zamba.
Kotun a ranar Alhamis, 28 ga watan Maris, ta kuma sallami wasu biyar da ake tuhuma a karar da hukumar EFCC ta shigar kan badakalar mai ta Malabu.
Asali: Legit.ng
