Ramadan: Shugaban Majalisa Ya Fadi Abin da Najerya Ta Fi Bukata a Lokacin Azumi

• Kakakin majalisar wakilai, Abbas Tajudeen ya bi sahu wajen taya al'ummar musulmai murnar zuwan watan azumi na Ramadan
• Abbas ya kuma buƙaci ƴan Najeriya su sa ƙasar nan cikin addu'a domin fitowa daga cikin halin ƙalubale da matsalolin da take fuskanta
• Ya yi nuni da cewa babu lokacin da ƙasar nan tafi buƙatar addu'a kamar a lokacin yanzu na azumi domin a samu haɗin kai mai ɗorewa

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Kakakin majalisar wakilai, Hon. Abbas Tajudeen, a ranar Litinin ya taya al’ummar musulmai a Najeriya da duniya baki ɗaya murnar zuwan watan Ramadan.

Kakakin majalisar wakilan ya bayyana cewa babu lokacin da ya fi dacewa a yi wa Najeriya addu’a kamar a cikin wata mai alfarma na Ramadan, domin ƙasar nan na buƙatar addu’o’in neman taimakon Allah, cewar rahoton jaridar Daily Trust.

Kara karanta wannan

A karon farko Buhari ya fadi gaskiyar yadda yake kallon salon mulkin Shugaba Tinubu

Jaridar Nigerian Tribune ta kawo rahoto cewa kakakin ya bayyana hakan ne a cikin wata sanarwa da mai ba shi shawara na musamman kan harkokin yaɗa labarai Musa Abdullahi Krishi ya fitar.

Tajudeen ya buƙaci ƴan Najeriya su zuba addu'o'i

Shugaban majalisar ya kuma bukaci ba musulmi kaɗai ba, har ma da ɗaukacin ƴan Najeriya da su yi addu’a domin samun haɗin kan ƙasar nan.

Ya nemi a sa gwamnatin Bola Ahmed cikin addu'a ta samu damar magance ɗumbin ƙalubalen da ke addabar al’umma ta fuskar tattalin arziƙi da rashin tsaro.

Abbas ya kuma buƙaci ƴan Najeriya da su riƙa tunawa a cikin addu'o'insu da mutanen da ƴan bindiga suka yi garkuwa da su a faɗin ƙasar nan, kuma suke ci gaba da tsare su.

Tinubu ya shawarci masu hali

A wani labarin kuma, kun ji cewa shugaban ƙasa Bola Ahmed Tinubu ya shawarci masu hannu da shuni da su taimakawa marasa galihu a cikin al'umma.

Shugaban ƙasan ya yi wannan kiran ne yayin da al'ummar musulmi a faɗin duniya suka fara azumin watan Ramadan.

Asali: Legit.ng