“Akwai Fa’idodi a Zaman Najeriya”: Budurwa Da Ke Zaune a Turai Ta Fadi Wahalhalun da Suke Sha

• Wata matashiyar budurwa a turai ta ce akwai wasu illoli da ke tattare da tafiya kasashen waje da zama a can
• A cewarta, mutane da ke zaune a Najeriya suna more wasu abubuwa da takwarorinsu na turai basa morewa
• Ta ce yayin da mutum ke iya yin fitsari a duk inda yake so a Najeriya, irin hakan ba mai yiwuwa bane a kasar da take da zama

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amura

Wata matashiya ta lissafa wasu fa'idodi da alfanun da ke tattare da zaman Najeriya maimakon turai.

Matashiyar ta wallafa bidiyon a shafinta na TikTok, @rca228, sannan ta bayyana cewa akwai alfanu sosai a zaman Najeriya.

A cewarta, yayin da mutanen da ke zaune a Najeriya za su iya more wasu abubuwa, kamar su fitsari a waje, wadanda ke turai ba za su iya ba.

Kara karanta wannan

Budurwa ta siya katon gida a turai tana da shekaru 22, ta yi murnar zama mai gidan kanta

Ta jaddada cewar wadanda ke Najeriya za su iya gaggauta shiga daji don yin bahaya, amma hakan ba mai yiwuwa bane a turai.

Saboda haka, ta fada ma mutanen da ke zaune a Najeriya da su ji dadin damammakin da suke da su wadanda 'yan turai basu da iko a kansu.

Kalli bidiyon a kasa:

Jama'a sun yi martani

@oluebube ya ce:

"Kada ki damu kwannan nan za a koro ki da izinin Allah, kawai ki ce amin."

@chijiokeadinnu ya ce:

"Ki dawo mana idan kin san kin haifu da kyau hajiya."

@BigBee ya ce:

"Toh me yasa kike a UK kenan?"

@YO FaVe BF ya ce:

"Naija ta fi dadi amma babu kudi."

@Tonia ta ce:

"Kana iya hawa babur a gaban gidanka amma a UK sai ka taka zuwa tashar mota."

Kara karanta wannan

"Sun ce ba zan auru ba": Saurayi ya auri matar da ta haifi yara 4, an yi biki na kece raini

@Spareparts_JB ya ce:

"Laifi ne a Najeriya ma, kawai dai ba a aiwatar da dokar yadda ya kamata ne."

'Dan Najeriya ya samu kyautar miliyan 159

A wani labarin, wani 'dan Najeriya ya taki babban sa'a saboda Allah ya tarbawa garinsa nono a lokacin da bai da ko sisi a turai.

Mutumin mai suna Kayode yana a dakin ajiye litattafai yana karatu lokacin da wani mai watsa shirye-shirye a intanet, Zachery Dereniowski ya neme shi.

Asali: Legit.ng