Inna Lillahi Wa Inna Ilaihi Raji'un, Fitaccen Jarumin Fim Ya Mutu a Najeriya

• Fitaccen jarumin fina-finan Yarbawa mai suna Sisi Quadri, wanda ya shahara saboda kwaiwayon mata ya riga mu gidan gaskiya
• Kamar yadda rahotanni suka zo wa jaridar Legit, jarumin na Nollywood ya rasu ne sakamakon wani rashin lafiya da ba a bayyana ba
• Hakan na zuwa ne kimanin shekara guda bayan Sisi Quadri ya rasa mahaifiyarsa, lamarin da ya girgiza abokan aikinsa

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amura

Fitaccen jarumin Nollywood, Quadri Oyebanji wanda aka fi sani da Sisi Quadri, saboda kwaikwayon dabi'ar mata a fina-finan Yarbawa, ya mutu.

Rahotanni da ke zuwa ma jaridar Legit ya nuna cewa jarumin, wanda ya mallaki gidan kansa a 2020, ya mutu ne sakamakon wani rashin lafiya da ba'a bayyana ba.

Kara karanta wannan

Bayan shekaru da dama, magidanci ya gano ba shine mahaifin 'diyarsa mai shekaru 18 ba

Tunde Olayusuf ya yi alhinin mutuwar Sisi Quadri

Tunde Olayusuf, wanda abokin aikin marigayi 'dan wasan ne, ya garzaya shafinsa na soshiyal midiya don tabbatar da mutuwar jarumin.

Da yake wallafa hoton Sisi Quadri, Tunde ya rubuta:

"Komai na duniyar nan yana bisa yadda Allah ya tsaya, daga Allah muka fito, kuma gare shi za mu koma - Allah ya ji kanka 'dan uwa @iamsisiquadir."

Jaruma Biola Adebayo ma ta yi martani ga mutuwar jarumin yayin da ta rubuta:

"Za a yi kewarka sosai Sisi Quadri Allah ya ji kanka da rahama. Allah ya ba masoyanka gaba daya hakuri."

Ga wallafarta a kasa:

Masu amfani da soshiyal midiya sun yi alhinin rashinsa

lanreadediwura:

"Meeeeee yanzun nan na gan shi a shiri mai dogon zango na Anikulapo da safen nan."

mo_bewa:

"Don Allah."

Kara karanta wannan

Gwamnan Kano ya karya gwiwar Sheikh Daurawa, ya yi murabus daga shugabancin Hisbah

the_may16girl:

"Abun bakin ciki Allah ya ji kansa ya gafarta masa. Karshen zamani Allah ya ba duk na kusa da shi juriyar wannan rashi."

horlarbeesih1:

"Abu mai karya zuciya, bakar Juma'a."

Jarumin Kannywood Cif Aderemi ya mutu

A wani labari makamancin wannan, shahararren jarumi a masana'antar shirya fina-finai ta kudancin Najeriya, Nollywood, Chief Adedeji Aderemi, wanda aka fi sani da Olofa Ina, ya mutu.

Jarumim Nollywood, Saidi Balogun, shi ne ya tabbatar da mutuwar abokin aikinsu a wani sako da ya wallafa a shafinsa na Instagram ranar Alhamis, 4 ga watan Jamairu, 2024.

Asali: Legit.ng