An Shiga Jimamin Rashin Manoma 4 Da ’Yan Bindiga Suka Yiwa Kisan Gilla a Jihar Katsina
- Yanzu muke samun labarin yadda wasu tsagerun 'yan bindiga suka hallaka mutane a jihar Katsina da ke Arewa maso Yamma
- An kuma sace wasu mutum takwas da aka bayyana an ceto uku daga cikinsu, kuma an jikkata wasu da dama
- Jihohin Arewacin Najeriya na yawan fuskantar bazaranar tsaro da kuma mamayar 'yan bindiga da ke kisa da sace mutane don fansa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Salisu Ibrahim kwararren editan fasaha, kudi da al'amuran yau da kullum ne, yana da gogewar aikin jarida da rubuce-rubucen adabi sama da shekaru takwas.
Batsari, jihar Katsina - Rundunar ‘yan sanda a Katsina ta ce an kashe manoma hudu tare da sace takwas bayan da wasu ‘yan bindiga suka kai hari a kauyen Nahuta da ke karamar hukumar Batsari a jihar.
Kakakin rundunar ‘yan sandan jihar, Abubakar Aliyu, wanda ya tabbatar da faruwar harin, ya shaidawa TheCable cewa ‘yan bindigan sun dura kauyen ne da misalin karfe 2 na ranar Asabar.
Asali: Facebook
Aliyu ya ce ‘yan bindigan sun far wa manoman ne a lokacin da suke girbin amfanin gonakinsu da ke bayan gari a yankin.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An sace mutum 8 a Katsina
Ya ce an yi awon gaba da mutum takwas daga cikin manoman amma jami’an tsaro sun kubutar da mutane uku, inda ya ce ana kokarin ceto sauran biyar da ke hannun tsagerun, rahoton People Gazette.
A cewarsa:
"Eh, manoman dankali ne da ke girbin amfanin gonakinsu sai 'yan fashin suka kai musu hari suka bude musu wuta.
“An kashe hudu, uku sun jikkata, takwas kuma tafi da su a lokacin amma daga bisani an ceto uku.
“Lamarin ya faru ne da misalin karfe 2 na ranar Asabar.
"Jami'an tsaro suna aiki tukuru don ganin an ceto sauran mutanen."
Halin da ake ciki a Katsina
Tsawon shekaru, al’ummar Katsina da dama na fuskantar hare-hare daga ‘yan bindiga da ke kashewa tare da sace mutanen ba gaira babu dalili.
A baya-bayan nan dai jami’an tsaro sun dakile wani hari da ‘yan bindiga suka kai wa al’ummar Zakka a karamar hukumar Safana ta jihar.
'Yan bindiga sun kama barawo
A wani abu da yayi kama da kura ke kiran kare maye, wata kungiyar 'yan bindiga sun cafke wani barawo a jihar Katsina.
PRNigeria ta tattaro cewa, barawon ya kware wurin cire rodi da karafuna daga kangon gine-gine a kauyukan jihar.
Barawon 'dan jari bolan ya shiga hannun 'yan bindigan dake sintiri a baburansu kamar yadda aka tattaro.
Asali: Legit.ng
