“Allah Ya Ba Ku Ikon Sauke Nauyi”, Tinubu Ya Taya Diri, Ododo, Uzodimma Murna

• Shugaban kasar Najeriya Bola Tinubu ya taya Gwamna Hope Uzodimma na Imo, Douye Diri na Bayelsa da kuma Usman Ododo na Kogi murnar nasarar da suka samu
• A ranar Asabar ne hukumar zabe mai zaman kanta ta kasa ta gudanar da zaben gwamna a johohi uku na Najeriya, wadanda ake yin zabensu daban da na sauran jihohi
• Shugaban kasar ya ce sakamakon zaben ya nuna karfin ra’ayin jama’a, wanda hakan alamar kyakkyawar dimokuradiyya ce

Sani Hamza, kwararren edita ne a fannin nishadi, al'amuran yau da kullum da kuma siyasa. Yana da shekaru sama da biyar a aikin jarida.

Abuja - Shugaban kasa Bola Tinubu ya taya wadanda suka lashe zaben gwamna da aka kammala karshen makon da ya gabata, a jihohin Kogi, Imo da Bayelsa.

Shugaba Tinubu ya yabawa al’ummar jihohin kan yadda suka fito don gudanar da zabe, inda ya kara da cewa hakan ya tabbatar da dorewar dimokaradiyya, da kuma cewa al’ummar kasar su ne kashin bayan siyasar Najeriya.

Kara karanta wannan

Shugaba Tinubu da mukarrabansa sun daura haramar yin Umrah a ziyararsu ta Saudiyya

A wata sanarwa, dauke da sa hannun mai baiwa Tinubu shawara kan harkokin yada labarai, Ajuri Ngelale, shugaban ya yi murnar tazarcen Gwamna Hope Uzodimma na Imo da Douye Diri na Bayelsa.

Masu zabe sun samu romon kyakkyawar Dimokuradiyya - Tinubu

Haka zalika, ya taya zababben gwamnan jihar Kogi Usman Ododo murna.

Daga nan sai ya ce sakamakon zaben ya nuna karfin ra’ayin jama’a, wanda hakan alamar shan romon kyakkyawar dimokuradiyya ne.

Sannan hakan zai tabbatar da gaskiyar tsarin zabe ga masu kada kuri'a, wajen samun shuwagabannin da suka zaba, samun shugabanci nagari da kuma yin aiki tukuru.

Ga sanarwar:

Duoye Diri ya lashe zaben jihar Bayelsa - INEC

A ranar Litinin ne Legit Hausa ta ruwaito maku yadda hukumar zabe mai zaman kanta na Najeriya (INEC) ta ayyana Duoye Diri na jam'iyyar Peoples Democratic Party (PDP) a matsayin wanda ya lashe zaben gwamnan jihar Bayelsa.

Kara karanta wannan

Labari Da Dumi: Hukumar INEC ta sanar da duka wuraren da aka soke zabe a Kogi

Hope Uzodimma, ya lashe zaben jihar Imo - INEC

A jiyar Imo kuwa, gwamnan jihar kuma dan takarar jam'iyyar All Progressives Congress (APC) a zaben gwamna da aka gudanar, Hope Uzodimma, ya lashe zabe a kananan hukumomi 27 na jihar, kuma hukumar zabe ta ayyana shi a matsayin wanda ya lashe zaben.

Usman Ododo ya lashe zaben jihar Kogi - INEC

Idan muka tsallaka jihar Kogi kuwa, hukumar zabe ta kasa (INEC), ta bayyana Usman Ododo na jam’iyyar APC a matsayin wanda ya lashe zaben gwamnan jihar Kogi da aka gudanar a ranar Asabar 11 ga watan Nuwamba, rahoton Legit Hausa.

Asali: Legit.ng