Nijar: Shehu Sani Ya Bayyana Dalilai 5 Da Suke Jawo Sojoji Ke Juyin Mulki A Afirka Ta Yamma

• Tsohon sanatan Kaduna ta Tsakiya, Shehu Sani ya bayyana dalilan da suka sa ake yawan juyin mulki a Nahiyar Afirika
• Sani ya bayyana rashin tsaro da magudin zabe da kuma matsalolin cikin gida da cewa su ne dalilin juyin mulki a Afirka ta Yamma
• Ya kuma bayyana sauran matsalolin da cewa gwamnatocin sun ruguza martabar dimokradiyya a kasashensu daban-daban

FCT, Abuja – Tsohon sanatan Kaduna ta Tsakiya, Shehu Sani ya bayyana abubuwa biyar da ke jawo juyin mulki a Nahiyar Afirka.

Sani ya bayyana haka ne yayin hira da Kamfanin Dillacin Labarai (NAN) a Abuja inda ya nuna rashin jin dadinsa da yawan juyin mulki a Nahiyar musamman Afirka ta Yamma, Legit.ng ta tattaro.

Me ke jawo juyin mulkin?

Kara karanta wannan

Kyau Ya Hadu Da Kyau: Diyar Biloniya Indimi Ta Amarce Da Babban Dan Kasuwar Kasar Turkiyya

Ya ce sojojin juyin mulki na yin haka ne saboda an samar musu da kofar yin hakan a kasashe daban-daban na Nahiyar.

Ya ce:

“Juyin mulki matsala ce ta cikin gida, wanda ba ya faruwa a rana daya, damar aka samar musu shi yasa suke juyin mulki.”

Sani ya jero dalilai biyar da suke haddasa juyin mulki a Nahiyar Afirka musamman Afirka ta Yamma.

Wasu dalilai ne ke jawo juyin mulki?

1. "Na Farko shi ne ruguza martabar dimokradiyya da gwamnatoci suka yi.

2. "Na biyu kuma bambancin da ke tsakanin mutane na arziki, ga tarin talauci a Nahiyar, idan akwai talauci to babu zaman lafiya.

3. "Na uku a cewar sanatan shi ne rashin tsaro a Nahiyar.

4. "Na hudu shi ne babu wani shiryayyen tsari na ceto dimokradiyya a yankin, ya ce da akwai irin wannan tsarin da ba a yi juyin mulki a Nijar ba.

Kara karanta wannan

Sojojin Nijar Sun Fadi Mummunan Abinda Zai Samu Najeriya Da Ba Su Yi Juyin Mulki Ba

5. "Dalili na biyar shi ne matsalolin da aka samu yayin zaben Mohamed Bazoum, kasashe suka zuba ido ba tare da daukar mataki ba."

Juyin Mulkin Nijar: Shehu Sani Ya Yi Magana Kan Matakin Soji

A wani labarin, sanatan Kaduna ta Tsakiya, Shehu Sani ya gargadi Shugaba Bola Tinubu Kan daukar matakin soji a kan Jamhuriyar Nijar kamar yadda kungiyar ECOWAS ta yi niyya.

Sani ya ce ya shawarci Tinubu da ya yi taka tsan-tsan wurin sanin irin matakin da ya kamata ya dauka a kan sojin juyin mulki a Nijar.

Asali: Legit.ng