An Ƙwaƙwulo Cin Mutuncin da Mai Shirin Zama Minista Ya yi wa Buhari a 2020

• Bosun Tijjani ya shiga sahun karshe na mutanen da ake sa ran su zama sababbin Ministocin tarayya
• Masanin kimiyyan ya rika sakin baki a baya, yana sukar gwamnatin APC da wasu shugabanninta
• Alamu sun nuna Dr. Tijjani ya na goyon bayan Peter, wannan bai hana Bola Tinubu ya dauko shi ba

Abuja - Bosun Tijjani ya na cikin wadanda Bola Ahmed Tinubu ya aika sunansu zuwa majalisar dattawa domin su zama Ministocin tarayya.

Abin da ya bada mamaki shi ne yadda tun jiya aka rika lalubo wasu maganganu da Dr. Bosun Tijjan ya rika yi kafin zuwan rana irin ta yau.

Idan aka duba abubuwan da masanin kimiyyar ya rika fada a shafinsa na Twitter, za a fahimci ya yi ta sukar gwamnatin APC a shekarun baya.

Kara karanta wannan

Kwanaki Kadan da Yin Juyin Mulki a Nijar, Bola Tinubu Ya Tafi Biki a Kasar Afrika

Bosun Tijani a dandalin Twitter

Tijjani mai Mabiya fiye da 40, 000 yanzu a dandalin sada zumuntan ya taba kai korafi ga majalisar Birtaniya da ta kakabawa Najeriya takunkumi.

Wannan mutumi ya yi wannan kira ne a lokacin da ake gwagwarmyar EndSARS a 2020.

A wasu lokutan kuma, Legit.ng Hausa ta gano Tijjani ya na sukar Atiku Abubukar, ya ce kyau ‘dan takaran na PDP ya marawa Peter Obi baya a 2019.

Tijani ya yi wa Buhari kaca-kaca

Abin da ya fi daukar hankali shi ne lokacin da Tijjani ya yi kaca-kaca da Muhammadu Buhari a Afrilun 2020 da yake shugaban kasa.

"Maza da mata masu gaskiya da ke tare Buhari su taimaka mana, mu gane abin da ya sa za su mika rayuwarsu ga mara lafiyan da bai san halin da ake cigaba, ya mulki Najeriya.

Kara karanta wannan

Malaman Addinin Musulunci a Arewa Sun Roki a Hana El-Rufai Yin Minista, Sun Bayyana Dalili

Su yi mana bayanin yadda Buhari ya cancanta ya jagoranci kasa irin Najeriya. Ayi mana bayani.

Yin bakin kokari domin ganin Muhammadu Buhari ya tsaya a kan mulki cin amanar kasa ne a ra’ayina kuma ya nuna mutum bai da gaskiya.

Mutane da-dama su na kokawa a Najeriya kuma za su iya mulki. Idan ka yi sanadiyyar hana a samu zabi na kwarai, kai makiyi ne."

- Bosun Tijjani

Bashir Ahmaad ya yi martani

Da yake maidawa wani amsa a wannan dare, Tijjani ya ce bai dace Muhammadu Buhari ya rike ko da shugaban karamar hukuma a Najeriya ba.

Hakan ya jawo Bashir Ahmaad ya yi raddi, ya ce sai ya magance duka matsalolin da ake fama da su da zarar ya shiga FEC tun da shi ya na da lafiya.

Za a rasa shugabanni 5 a Majalisar NWC

Bayan tafiyar Sanata Abdullahi Adamu da Iyiola Omisore, wasu sun bar Jam’iyyar APC, dazu aka ji labari jigo a APC mai-mulki ya ajiye kujerarsa.

Kara karanta wannan

Bidiyon Tinubu Yana Rokon El-Rufai a Fili, Ya Karbi Mukami Idan An Kafa Gwamnati

Ahmed El-Marzuk wanda ya fito daga Katsina, ya bar ofishinsa na Mai bada shawara a kan shari’a, zuwa yanzu ba a ji wanda ya maye gurbin na sa ba.

Asali: Legit.ng