A Yau Tinubu Zai Aikawa Sanatoci Jerin Karshen Ministocin da Za a Tantace
- Idan abubuwa ba su canza ba, a yau za a karanto wasikar Bola Ahmed Tinubu a Majalisar dattawa
- Shugaban kasar zai aikawa Sanatoci sunayen ragowar wadanda yake so su zama Ministocinsa
- Da zarar an kammala tantance ‘yan sahun farko, za a shiga kan Ministocin da su ka fito a jeri na biyu
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Abuja - A yau ake tunani Mai girma Bola Ahmed Tinubu zai tura wani sahu na sunayen wadanda yake so su zama Ministoci a gwamnati.
Rahoton da aka samu daga Punch ya ce ko dai Shugaban Najeriya ya aikawa majalisa takarda cikin dare a ranar Talata ko kuwa safiyar Laraba.
Wata majiya mai karfi ta shaida cewa a zaman da za ayi yau a majalisa, Sanatoci za su karanto ragowar karin wadanda za a bukaci a tantace.
Kara karanta wannan
Kwanaki Kadan da Yin Juyin Mulki a Nijar, Bola Tinubu Ya Tafi Biki a Kasar Afrika
Asali: Facebook
A cewar wani ‘dan majalisa, a yau Laraba ake so a kammala tantance sahun farko na Ministocin, daga nan sai a fara shirya tantance ragowar.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Bayanin wani 'Dan majalisa
"Zuwa Laraba, za a fito da sabon jerin Ministocin da aka zaba, ta yadda zuwa Litinin, za mu gama aikin tantance su.
Mu na so a kammala tantancewar kafin mu tafi hutu. Ba mu son yanayin da za mu je hutu kuma sai a fara kiranmu."
- Wani 'dan majalisa
Tafiya tayi nisa a Majalisa
Rahoton ya ce zuwa yanzu an tantance mutum 14 cikin 28 da shugaban kasa ya aika sunayensu, a yau ne za a tantance sauran biyar da su ka rage.
Sanatan Ebonyi ta Kudu, David Umahi ya na cikin wadanda aka tantance a rana ta biyu, Sanatoci ba su yi wa abokin aikinsu wasu tambayoyi ba.
Kusan wanda ya sha tambayoyi ya shafe fiye da sa’a guda wajen tantacewar shi ne Olawale Edun, ana sa ran shi zai zama Ministan tattalin arziki.
Za a kai wa jami'an tsaro korafe-korafe
Da Sanatan Kogi, Sunday Karimi ya kawo maganar korafi da aka samu, Godswill Akpabio ya yi masa bayanin ba za su maida hankali kan su ba.
Shugaban majalisar dattawa ya ce aikinsu shi ne a tantace wadanda aka zaba, za su aikawa jami’an tsaro duk wani rahoton korafi kan Ministocin.
Aiki da Nasir El-Rufai
Shekara daya kafin nada Ministoci, kun ji labarin yadda Bola Ahmed Tinubu ya nemi alfarmar Malam Nasir El-Rufai domin su yi aiki tare a gwamnati.
A lokacin ‘Dan takaran na APC ya lallabi Gwamnan Kaduna, ya zauna a Najeriya, da aka ci zabe, Shugaba Tinubu ya zakulo shi domin ya zama Minista.
Asali: Legit.ng
