Ma’aurata Sun Shiga Wani Hali Yayin da Fasto Ya Ki Daura Masu Aure, Ya Fice Daga Wajen

• Wani fasto ya haddasa cece-kuce a soshiyal midiya bayan ya ki daura wani aure a ranar bikin
• A cewar faston, mijin zai auri amaryar tasa ne ba don yana sonta ba sai don kawai ya samu takardun zama dan kasar Kanada
• Jama'a sun yi martani a kan bidiyon yayin da mutane da dama suka soki abun da faston ya yi, wasu kuma sun yaba masa

Wani taron daurin aure ya dauki sabon salo na bazata lokacin da faston da zai daura auren ya fice daga wajen.

Yayin da yake nuna rashin amincewarsa, faston ya bayyana matsayin zaman angon a kasar a matsayin dalilinsa na kin daura auren.

A cewar faston, angon zai auri amaryar ne ba don yana sonta ba sai don ya mallaki takardun zama dan kasar Kanada.

Kara karanta wannan

“Ina Iyayensu Suke?”: Bidiyon Wani Matashin Yaro Da Yar Yarinya a Otel Ya Girgiza Intanet

Ya ce:

"Wannan aure ne na neman wajen zama, ba aure na so da kauna ba. Shin yana da takardun zama a Kanada?"

Matakin da faston ya dauka ya baiwa bakin da suka hallara don taya ma'auratan murna mamaki, sannan wasu da dama sun garzaya soshiyal midiya don bayyana ra'ayoyinsu kan lamarin.

Wasu sun yaba ma malamin kan tsayawa tsayin daka a kan abun da ya yarda da shi, yayin da wasu suka caccake shi.

Jama'a sun yi martani

@Kaylami12 ta ce:

"Menene dalilin da yasa bai tambaya ba kafin daurin auren kawai dan son dirama ne."

@Apple User623536828 ya yi martani:

"Me yasa sai a ranar daurin auren!"

@Catfish six2 ya ce:

"Watakila ya ga alamu ne."

@Nana Yaw Delvinta yi martani:

"Kawai ina jin radadin da suke ciki a yanzu. Sam ba daidai bane."

Kara karanta wannan

Yadda Hoton Rahama Sadau Da Wani Farin Fata Ya Haddasa Cece-Kuce a Soshiyal Midiya

@kenya ya yi martani:

"Sannu da kokari wannan shine uba nagari."

@Fred Smith ya ce:

"Fasto na fada kan takardu Allah ya kawo wa mutane sauki."

@user8411585619556 ya ce:

"Menene dalilin da yasa bai tambayi wannan ba kafin ranar?"

@echefulejoseph31 ya ce:

"Cin mutunci a ko'ina."

Kalli bidiyon a kasa:

Wani mai bukata ta musamman ya fashe da kuka bayan matarsa ta yi masa kyautar mota

A wani labarin, wani mai bukata ta a jihar Imo ya fashe da kuka yayin da matarsa ta yi masa bazata da sabuwar mota da sauran kyaututtuka a ranar zagayowar haihuwarsa.

Mutumin ya yi magana da matarsa, Dinora Okonkowo ta bidiyo yayin da ya yaba kokarinta duk da cewar bata a kasar.

Asali: Legit.ng