Nadin Mukamai: Gwamnatin Tinubu ta Raba Gardamar OAUTHC, ta Nada Adegbehingbe

• Gwamnatin tarayya ta nada sabon Shugaban rikon kwarya a asibitin koyon aiki na Obafemi Awolowo
• Olayinka Oladiran Adegbehingbe zai jagoranci asibitin na watanni kafin nada cikakken shugabana
• Sanarwar da aka fitar ta nuna Farfesa Olayinka Adegbehingbe ya kware a bangaren kashi da rauni

Osun - Gwamnatin tarayya ta sanar da Olayinka Oladiran Adegbehingbe a matsayin sabon shugaban asibitin koyar da aikin OAUTHC, Ile-Ife a jihar Osun.

Rahoto ya zo a Tribune cewa Farfesa Olayinka Oladiran Adegbehingbe ya zama shugaban rikon kwarya na asibitin na Obafemi Awolowo da ke Osun.

Olayinka Adegbehingbe wanda Farfesa ne a bangaren cututtukan kashi da munanan raunuka ya dare wannan kujera a matsayin babban darektan riko.

Likitan zai yi watanni shida ya na jagorantar asibitin kafin a nada cikakken babban darekta.

Kara karanta wannan

Bola Tinubu Ya Haɗu da Shugaban Kasar Benin, Ya Taɓo Batun Iyakoki da Kasuwanci

Shugaban rikon kwarya

Sanarwar da ta fito da Darektan kula da ma’aikata na ma’aikatar lafiya ta tarayya ta ce da zarar an gama lalube, za a sanar da cikakken CMD na OAUTHC.

Hassan Sallau ya fitar da wannan sanarwa a ranar Alhamis da ta gabata, a madadin babban sakataren ma’aikatar kiwon lafiya ta Najeriya da ke Abuja.

Wanene sabon CMD?

Adegbehingbe mutumin jihar Ondo ne kuma ya yi karatun digirinsa a jami’ar ta Obafemi Awolowo. Rahoton ya ce ya kammala digirin farko a 1989.

Farfesan ya na cikin kungiyoyin kwararrun masu fida ta Afrika ta yamma da na Duniya, ya goge a harkar kula da cututtukan kashin kananan yara.

Bangaren da Adegbehingbe ya gwanance a kai shi ne maganin larurori a kafafun yaran.

Dr. Salman Ibrahim Anas ta fara aiki

Tun a shekarar bara ake ta faman rikici tsakanin shugabannin majalisar da ke sa ido da kuma shugabannin asibitin kan sha’anin shugabancin a OAUTHC.

Kara karanta wannan

Shugaban Majalisar Dokokin Jihar APC Ya Sake Lashe Zaɓe Duk da Ana Zargin Ya Wawure N2.5bn

Shugaban kungiyar likitocin asibitin, Farfesa Oluyomi Okunola ya yabi Dr. Salman Ibrahim Anas a kan yadda ta shawo kan wannan doguwar ja-in-jar.

Harkar wutar lantarki

Labari ya zo cewa a fara shiryawa tashin farashin lantarki daga tsakanin 25% zuwa 40% daga ranar 1 ga watan Yuli 2023 saboda hauhawar farashin kaya.

Da alama NERC za ta soke tallafin shan wutar lantarki a shekarar bana. Sannan sauyin da aka samu a kasuwar canji zai jawo karin tsadar lantarkin.

Asali: Legit.ng