Abba Gida-Gida Zai Tura ’Ya’yan Talakawa Karatu Kasar Waje, Gwamnati Ta Yi Tanadin Yadda Shirin Zai Tafi

• Gwamnatin jihar Kano ta bayyana fara ba da gurbin karatu kyauta ga wadanda ke sha’awar zuwa karatun digiri na biyu
• Wannan na zuwa ne makwanni kadan bayan da gwamna Abba Kabir Yusuf ya fara aiki a matsayin gwamnan ujihar ta Kano
• Ba wannan ne karon farko da gwamnatin Kano ke daukar irin wannan dama tana ba ‘yan jihar ba

Bayan karewar gwamnatin Abdullahi Umar Ganduje a jihar Kano, sabuwar gwamnatin Abba Kabir Yusuf ta dauko tafarkin tsohon gwamna Kwankwaso na tura ‘yan jihar karatu kasashen waje.

Wannan karatu dai zai zama a matakin digiri na biyu ne, wnada tuni aka bayyana hanyoyin da za a bi don samun gurbin wannan karatu, TRT Hausa ta ruwaito.

A wasu bayanai da gwamnati ta wallafa a shafinta na yanar gizo, an bayyana dalla-dalla matakai da ake bi don cire fom wannan dama ta karatu.

Kara karanta wannan

Gwamnatin Abba Ta Bada Umarni a Ruguza Gidaje, Rigima Ta Kaure da ‘Yan Unguwa

Wasu sharudda mai nema zai cika?

1. Dole mai nema ya kasance dan asalin jihar Kano.
2. Dole ya kammala digirin farko da sakamakon ‘first class’.
3. Dole jami’ar da mutum ya yi digirin farko ta kasance sahihiya kuma amintacciya
4. Dole ne a binciki lafiyar mai son wannan dama don tabbatar da zai iya karatu da ma tafiya zuwa wata kasa.
5. Karshe, dole ne mai neman wannan tallafi ya cike fom din da gwamnati ta tanada a shafin yanar gizo

Ta yaya ake cikawa?

Bayan tanadan abubuwan da ke sama, ana bukatar kowanne mai sha’awar cike fon din ya tabbatar takardunsa sun shirya, kuma yana da kwafinsu da zai iya turawa a shafin yanar gizo.

Hakazalika, ana sa ran kowanne mai nema zai cike fom din ne a wannan shafin nan ko kuma nan https://www.kanostate.gov.ng/scholarship_application.

Kara karanta wannan

Abba Gida Gida: Sabon Gwamna Ya Sake Fito da Tsarin Zuwa Jami’o’in Kasashen Waje

Ba wannan ne karon farko da gwamnatin Kano ke irin wannan aikin ba, to amma abin tambayar; menene tasirin hakan? Kuma shin jami’o’in Najeriya sun gaza ne? Haka nan, abubuwan da za a karanta a waje babu shi ne a Najeriya?

Kwankwaso ya sake tura dalibai karatu a 2019

A wani labarin, kun ji yadda Kwankwaso ya sanar da ba da gurbin karatu kyauta ga ‘ya’yan talakawa a jihar Kano.

Ya bayyana hakan ne tare da bayyana sharuddan da za a cika don yin wannan aiki mai muhimmanci.

Ana yiwa Kwankwaso kallon mai tallafawa talakawa su yi karatu a kasashen waje, musamman a mulkinsa.

Asali: Legit.ng