“Ina Samun Sama da N860k Duk Watan Duniya”: Inji Matar da Ta Kama Sana’ar Sharan Bola Hannu Bibbiyu

• Wata mata da ke sana’ar shara a kasar Burtaniya ta yada wani bidiyon yadda take aikinta a cikin kasar ta turawa
• A cewarta, tana samun kudin da ya kai £1500 (N860,675.40) duk watan duniya bayan ta biya kudin harajinta a kasar
• Mutane da yawa a kafar sada zumunta ta TikTok sun ce abin da take samu a kasar ta Burtaniya ya fi albashi a gida

Wata mata da ke zaune a kasar Burtaniya ta ba da mamaki yayin da ta bayyana kudin da take samu a sana’ar shara zalla.

A wani bidiyon da (@akuaserwaa252) ya yada, an ga lokacin da take aikinta na shara a titi, mutane da yawa sun yi mamakin labarin da ta bayar.

Ta nuna kwarin gwiwa da alfahari da sana’arta

Mutane da yawa ne suka yi ca a karkashin sashen martani na bidiyon, inda da yawa ke cewa, komai kaskancin aikin, ya fi albashin Najeriya.

Kara karanta wannan

Shugaban Kasa Yana Landan, Osinbajo Ya Amince a Kafa Sababbin Jami’o’i 36 a Najeriya

Wasu kuma na cewa, za su iya ajiye aikin bankin da suke yi domin kama sharar titi a kasar waje, hakan suka ce ba matsala bane.

Kalli bidiyon:

A kasa ga martanin jama’ar kafar sada zumunta

Yunus Nuhu:

"Irin wakar da na fi so kenan, na gode madam.”

Albie _Nana ama:

"Allah ya albarkaci nemanki.”

user6722823975191:

"Aiki tukutu na ba da nasara. Ki yi kokari ‘yar uwa.”

user75518883288406:

"Ya fi aikin wani da ke dukkan wasu takardu na kwarewa.”

Mo:

"Albashinki ya fi na likitoci da yawa a nan.”

Abuzaa:

"Allah ya albarkaci dukkan iyayen da suka bar kasarsu don yi fafutukar neman abinci ga ahalinsu Allah ya yi albarka mama.”

user7129466672157:

"Ya dai fi zama lakcara, musamman lakcaran kwalejin ilimi.”

Lloyd:

"Ana biyan sama da abin da ake biyan manyan ayyuka da muka sani.”

Kara karanta wannan

Mummunan Karshe: Dan Ta’adda Ya Kai Kansa Ziyara Barzahu Garin Fafatawa da DSS

owurawqe9n6:

"Mafi karancin aiki a kasar waje shine wannan amma kudin da za ta ke samu shine yuro kusan duba daya da dari biyar.”

Kamar almara: Bidiyon kwararriyar mata mai tallan maganin gargajiya akan babur

A wani labarin, wata mata da ke tallan fitaccen maganin gargajiya irin na Yarbawa ta jawo cece-kuce a kafar sada zumunta ta TikTok.

Wannan ya faru ne bayan da aka yada bidiyon matar a lokacin da take yawo a kan babur tana tallata hajarta.

A bidiyon da @keyrankader_ ya yada, an ga matar ta makare daronta da magani, sannan ta hau babur ba tare da rike daron da ke kanta ba.

Asali: Legit.ng