Hukumar Kwastam Ta Yi Nasarar Kame Tufafin Sojoji, ’Yan Sanda da Kwayoyi Masu Yawa

• Hukumar kwastam a Najeriya ta yi nasarar kame wasu kayayyaki masu ban mamaki da aka shigo dasu kasar
• An shigo da kakin soja da na 'yan sanda Najeriya daidai lokacin da ake shirin yin babban zaben 2023
• An kuma kama wasu miyagun kwayoyi da aka shigo dasu daga kasashen Indiya da Pakistan kamar yadda aka bayyana

Jihar Legas - Hukumar Kwastam a Najeriya ta yi nasarar kame wasu tufafin sojoji da na ‘yan sanda da aka shigo dasu kasar.

Rahoton da muke samu ya bayyana cewa, na kama kayan ne a filin jirgin saman Murtala Muhammad da ke Legas, kamar yadda BBC ta ruwaito.

A cewar rahoto, an yi fasa-kwabrin kayan ne daga kasar Afrika ta Kudu kuma sun shigo ne ba bisa ka’ida ba.

Bello Kaniyal Dangaladima ne ya bayyana hakan ga kafar labaran, inda ya bayyana dalla-dalla kayayyakin da aka kwato.

Kara karanta wannan

Da Duminsa: Hantar Atiku Ta Kaɗa, Wike Ya Yi Sabuwar Magana Kan Wanda Zai Goyi Baya a 2023

Yadda lamarin ya faru

A cewarsa, daga kayayyakin da aka kwato sun hada da riguna, hulunan kwano na sojoji da kakin ‘yan sanda irin na Najeriya.

Baya ga kayan na jami’an tsaro, an kama wasu miyagun kwayoyi da suka hada da Tramadol na masu darajar Naira biliyan 37.

Ana kyautata zaton an shigo da miyagun kwayoyin ne daga kasar Pakistan da Indiya, kuma ana ci gaba da bincike a kai.

Wannan babban kamu dai nasara ce ga kwastam, kuma ya zo daidai lokacin da kasar nan ke shirin babban zaben 2023.

Fusatattun Kiristoci a Neja Sun Yi Aikin Dana-Sani, Sun Kone Ofishin Yanki Na ’Yan Sanda

A wani labarin kuma, rundunar 'yan sandan Najeriya ta gamu da halin daukar doka a hannu daga wasu kiristoci a jihar Neja da ke Arewacin Najeriya a yau Talata 17 ga watan Janairu.

Kara karanta wannan

2023: Tinubu Ya Bayyana Abin Da Zai Yi Game Da Rashawa Da Almundahar Kudi Idan Ya Ci Zabe

Rahoton da muka samo ya bayyana cewa, fusatattun mata da matasa sun kone ofishin 'yan sanda kurmus bayan da 'yan bindiga suka kone wani babban fastonsu kurmus kuma ya sheke kiyama.

An tattaro cewa, 'yan sandan sun zo ne domin ba mutanen kariya, amma lamarin ya rikide zuwa tashin hankali, 'yan sanda sun harbi mutum daya daga cikinsu, wanda hakan ya sa suka tada hankali a wurin.

Asali: Legit.ng