Bayan harin masallaci, Yan Banga sun hallaka Hakimi da ɗan uwansa a jihar Neja

• Wasu yan banga sun ɗauki fansa kan harin da aka kai masallaci a jihar Neja, inda aka kashe mutane tare da sace wasu
• Rahoto ya nuna cewa yan bangan sun hallaka wani hakimi da ɗan uwansa bisa zarginsu da hannu a harin masallaci
• Gwamnan jihar, Abubakar Sani Bello, ya roki gwamnatin tarayya ta faɗaɗa luguden wutan sojoji kan yan bindiga zuwa jihar Neja

Niger - Wasu yan banga sun hallaka Hakimi da ɗan uwansa a jihar Neja awanni kaɗan bayan yan bindiga sun hallaka mutane dake sallar Asuba a garin Maza-Kuka.

Aminiya ta rahoto cewa Hakimin yankin Adogon, Alhaji Sa'idu Abubakar da ɗan uwansa, Alhaji Salihu Abubakar, sun rasa ransu ne a harin da ake tunanin na ɗaukar fansa ne.

Tun a baya dai, wasu mahara sun buɗe wa mutane dake sallar Asuuba wuta, inda suka ƙashe aƙalla mutum 18 tare da sace wasu a garin Maza-Kuka, jihar Neja.

Kara karanta wannan

Barayin da suka sace Liman da wasu 10 lokacin sallar Asuba a Neja Sun nemi a lale musu Miliyoyi

Meyasa yan Banga suka kashe hakimin?

Bayan wannan harin ne, yan banga suka kai hari garin Adogon Malam, inda suka kashe mutanen biyu saboda zargin suna da hannu a harin Masallaci.

Garuruwan biyu na Maza-Kuka da Adogon Malam suna kusa da juna kuma duk suna ƙarƙashin ƙaramar hukumar Mashegu a jihar.

Wane mataki yan sanda suka ɗauka?

Kakakin rundunar yan sandan ƙasar nan, reshen jihar Neja, DSP Wasiu Abiodun, ya tabbatar da faruwar harin guda biyu.

Sai dai a jawabinsa kakakin yan sandan yace a halin yanzun hukumar yan sanda ba ta da tabbacin kon hari na biyu yana da alaƙa da na farko.

A kawo mana ɗaukin sojoji - Gwamna

Gwamna Abubakar Sani Bello na jihar Neja, ya bukaci FG ta taimaka da ƙarin jami'an sojoji domin magance hare-haren yan bindiga a jiharsa, kamar yadda This Day ta ruwaito.

Kara karanta wannan

Yan siyasan Najeriya ne suke rura wutar rikici a Jos, Shugaban gwamnonin Arewa

Gwamnan ya yi wannan kira ne bayan harin da aka kai masallaci, inda ya bukaci FG ta faɗaɗa aikin luguden wutan sojoji a kan yan bindiga zuwa Neja.

Abubakar Bello yace:

"Mun fara tattaunawa da hukumomin tsaro, domin lalubo hanyoyi da dabarun kawo karshen hare-haren yan bindiga."

A wani labarin kuma Miyagun yan bindiga sun hallaka mutum 6, sun sace wasu dama a jihar Katsina

Rahoto ya nuna cewa maharan sun farmaki ƙauyen Unguwar Samanja a Faskari ana gab da sallar Magrib

Wani mazaunin Daudawa ya koka kan yadda yan bindiga ke cigaba da aikin ta'addancinsu a Faskari duk da matakan da gwamnati ta ɗauka Katsina.

Asali: Legit.ng