"Ki Aure Ni": Hoton Hira Ya Nuna Yadda Dan Najeriya Ya Nemi Auren Matarsa, Hotunan Sun Dauki Hankula

• Wata mata ta bayyana yadda ta amsa tayin mijinta bayan ya nemi aurenta a shafukan sada zumunta
• Wani hoton hirarsu da Maryam Pounds ta wallafa a Twitter ya nuna cewa Alhaji Araphat ya nemi aurenta a shekarar 2021
• Yanzu haka Maryam da Araphat sun yi aure bayan labarin soyayyarsu ya fara kamar wasa a shafin Twitter

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Wata ƴar Najeriya da ta haɗu da mijinta a kan manhajar X (wacce a baya aka fi sani da Twitter) ta bayyana hirar da suka fara yi a dandalin sada zumunta.

A wani sako da ta wallafa a shafinta na Twitter, matar mai suna Maryam Pounds, ta saka hoton tattaunawar da ta kai ga mutumin nata ya nemi aurenta.

Kara karanta wannan

A shirya: Fadar Shugaban Kasa ta fadi mamayar da Tinubu zai yi wa 'yan boye dala

Lamarin ya fara ne a lokacin da mutumin mai suna Alhaji Araphat ya ce wa Maryam ta aure shi. Hakan sai ya zama kamar wasa.

Sai dai, Maryam ta nemi ya kawo zoben sanya rana da kuɗin sadaki. A wata amsa da ya mayar mata, Araphat ya ce mata ta fara amsa tayin da ya yi mata tukunna.

Auren su ya zo bayan abin da ya fara kamar wasa a Twitter. A wata sabuwar wallafa kuma, Maryam ta bayyana yadda zamantakewarsu ke tafiya.

Masu amfani da yanar gizo sun taya su murna

@Fayokunmii ya rubuta:

"Allah ya albarkaci gidanku. Ina taya ku murna."

@homa1204 ta rubuta:

"Allah ya sa albarka a aurenku barakallahu feeh."

@_Rolex523 ya rubuta:

"A'a wasa na kawai na ke a twitter, dubi abokina."

@Ebonygold1645 ya rubuta:

Kara karanta wannan

So gamon jini: Daga yanke mata farce, kyakkyawar budurwa ta fada soyayya da mai yankan kumba

"Kai!!! Wannan yayi kyau sosai na ji muku daɗi sosai. Ina taya ku murna."

@MFTeemah ta rubuta:

"Ina taya ki murna ƴar uwa, Allah ya albarkaci auren ku."

@Ednut_1 ya ce:

"Shin akwai wanda ya lura da saurayin bai ce "Don Allah ki aure ni ba?" Saboda bai kamata ka roƙi mace ta aure ka ba."

Budurwa Ta Nemi Shiga a Wajen Saurayi

A wani labarin kuma, wata budurwa ta cire kunya inda buƙaci wani saurayi da ya ba ta lambar wayarsa.

Budurwar ta bayyana cewa ita ce ta fara nuna tana ciki a lokacin da ta yi arba da shi sannan daga bisani ta nemi ya bata lambar wayarsa.

Asali: Legit.ng