Nura M Inuwa Ya Samu Cigaba, Za a Fara Nazarin Wakokinsa a Jami'ar Najeriya

• Jami'ar Sule Lamido da ke Kafin Hausa, jihar Jigawa ta amince dalibai su rubuta kundi a kan wakokin mawaki Nura M Inuwa
• Nura M Inuwa ya bayyana wannan babban ci gaba a wata sanarwa da ya fitar a ranar Lahadi wadda ta jawo martanin jama'a
• Dalibin da zai rubuta kundin zai yi nazari kan wakoki biyar, ciki har da “Hindu” da “Duhun Daji," a cewar sanarwar mawakin

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Jigawa - Burin kowane mawaki shi ne ya zama abin kwaikwayo ga na baya da shi, musamman ganin cewa waka wata bangare ce ta adabi.

A wannan bagire, Nura M Inuwa ya samu babban ci gaba, inda jami'ar Sule Lamido da ke Kafin Hausa, jihar Jigawa ta amince a yi nazarin wakokinsa.

Kara karanta wannan

Rahoto: Manyan matsaloli 3 da suka hana yara miliyan 15 zuwa makaranta a Arewa

A wata sanarwa da Nura M Inuwa ya fitar a shafinsa na Instagram a ranar Lahadi, mawakin ya ce jami'ar SLU ta amincewa wani dalibi ya yi nazarin wakokinsa.

Za a yi nazarin wakokin Nura M Inuwa

A cikin sanarwar da ya fitar, mawaki Nura M Inuwa ya dora hoton sakon da dalibin jami'ar ya aiko kamar haka:

"Assalamu Alaikum.

"Sashen Hausa na jami'ar Sule Lamido, Kafin Hausa sun ba ni izinin rubuta kundi a kan wakokin Nura M Inuwa wadanda suke dauke da kalmomi ko jimlolin jarumta a ciki.

"Kamar dai a wakar Hindu.

"Ina bukatar taimakonku domin rubuta wannan kundi na cikar kammala digirin farko a sashen nazarin harshen Hausa da al'adu."

Wakoki 5 da za a yi nazarinsu

Duk da cewa, mawakin bai bayyana sunan dalibin da ya aika masa da wannan sako ba, amma dai ya wallafa wasu wakoki biyar da ake kyautata zaton a kansu za a yi nazarin.

Kara karanta wannan

'Ya yi kokari a mulkinsa': Basarake ya fadi dalilin kai wa Buhari ziyara a gidansa

Ga wakokin kamar haka:

1. Hindu
2. Garkami
3. Duhun Daji
4. Da Ransu
5. Bakin Alkami

Sani Danja ya samu mukami a Kano

A wani labarin, mun ruwaito cewa fitaccen jarumi kuma mawaki a Kannywood, Sani Musa Danja ya samu mukami a gwamnatin Kano a karkashin Abba Yusuf.

A ranar Lahadi, 15 ga watan Disambar 2024, Gwamna Abba Yusuf ya amince da nadin Sani Danja a matsayin mai ba shi shawara na musamman kan matasa da wasanni.

Muhammad Malumfashi, babban edita a sashen Hausa na Legit ya duba labarin.

Asali: Legit.ng