Birnin New York Ta Bai Wa Musulmai Damar Kiran Sallah Ranar Juma'a Da Watan Ramadan

• A karshe al’ummar Musulmai za su samu su sarara bayan birnin New York ta ba su daman kirar salla a wasu zababbun lokuta a birnin baki daya
• Magajin birnin New York, Eric Adams shi ya sanar da haka yayin ganawa da al’ummar Musulmai kan matsalar kiran salla a birnin
• Sanarwar ta ba wa al’ummar Musulmai damar kiran salla a masallatai a ranar Juma’a da kuma watan Ramadan ba tare da neman izini ba

New York, Amurka - Birnin New York a Amurka ta ba da umarnin jiyar da kiran salla a wasu zababbun lokuta a masallatai na birnin baki daya.

Magajin birnin New York, Eric Adams shi ya bayyana haka a ranar Talata 29 ga watan Agusta inda ya ce hakan zai saka Musulmai su ji ana damawa da su.

Kara karanta wannan

Jami’in Dan Sanda a Adamawa Ya Sharbi Kuka Wiwi Bayan An Sallame Shi a Aiki, Bidiyon Ya Yadu

Meye dokar ta ce kan kiran sallar Musulmai?

A sabuwar dokar, Adams ya ce za a jiyar da kiran sallah ba tare da Musulmai sun nemi izini ba daga hukumomi a ranakun Juma’a da kuma lokacin shan ruwa a watan Ramadan, cewar CNN.

Sanarwar ta ce jami’an ‘yan sanda za su yi aiki tare da masallatai don bin ka’idojin da aka tsara don tabbatar da karar lasifikan ya yi dai-dai da tsari.

Adams wanda ya ke tare da shugabannin Musulman birnin New York ya ce:

“Musulman birnin New York za su samu sararawa a matsayina na magajin birnin.”

Meye dalilin daukar matakin kiran sallar Musumai?

AP News ta tattaro Adams na cewa:

“An dauki tsawon lokaci ana samun rikitarwa a kan wadanne yankuna ne ba a barin a yi kiran sallah da lasifika.

Kara karanta wannan

Jaruma Lizzy Anjorin Ta Bar Musulunci, Ta Yi Gargadi Mai Tsauri a Bidiyo: "Ba Musulmin Da Ya Kare Ni Lokacin Da Ake Tsangwamata"

“A yau muna so mu kawo karshen wannan abu inda muke bayyana cewa masallatai na iya yin kiran sallah a bayyane a ranakun Juma’a da kuma watan Ramadan ba tare da sake neman izini ba,”

Indiya Ta Rufe Makaranatar Da Aka Ci Zarafin Dalibi Musulmi

A wani labarin, yayin da ake ta cece-kuce bayan ganin wani faifan bidiyo da wata malama ke cin zarafin dalibi Musulmi, hukumomi sun dauki mataki.

Hukumomi a kasar Indiya sun rufe makarantar da aka samu wannan cin zarafi tare da gurfanar da malamar don amsa tambayoyi.

Asali: Legit.ng