Juyin Mulkin Nijar: Peter Obi Ya Bayyana Abun da Ya Kamata ECOWAS Ta Yi
- Peter Obi ya ba kungiyar ECOWAS shawarwari kan yadda za ta shawo kan rikicin da ke faruwa a jamhuriyar Nijar
- Obi ya ce ya kamata ECOWAS ta yi amfani da diflomasiyya da tattaunawa wajen magance rikicin bayan sojoji sun karbe mulkin kasar
- Tawagar malaman Najeriya sun tattauna da sojojin juyin mulkin Nijar a wani mataki na hana zubar jini
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Dan takarar shugaban kasa na jam'iyyar Labour Party( LP), Peter Obi, ya bayyana abun da ya kamata kungiyar raya tattalin arzikin kasashen yammacin Afrika (ECOWAS) ta yi game da rikicin da ke gudana a Jamhuriyar Nijar bayan sojoji sun yi juyin mulki.
Obi ya ce lamarin Nijar batu ne mai zafi ga kungiyar ECOWAS kuma ya kamata a yi amfani da tattaunawa da diflomasiyya wajen magance rikicin.
Asali: UGC
Dole ne ECOWAS ta yi amfani da tattaunawa da diflomasiyya don warware rikicin Nijar
"Shakka babu, lamarin Nijar batu ne mai zafi ga kungiyar ECOWAS, da ma sauran masu shiga tsakani na kasa da kasa, ba tare da la'akari da matsayin bangarori daban-daban da ke da muradin kai tsaye ko na zahiri ba a Nijar, dole ne a karfafa tattaunawa da diflomasiyya wajen cimma matsaya wanda ba zai kawo illa sosai ga Najeriya da yankin yammacin Afirka ba.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
"Dole a yi la'akari da matakin daiflomasiyya na siyasar gaskiya a yankin na yammacin Afrika."
A wata wallafa da ya yi a shafinsa na Twitter @PeterObi, ya ce ya zama dole diflomasiyya ta ci gaba da kasancewa kan gaba a cikin hanyoyin magance rikice-rikice da ECOWAS ke da su.
Ya yaba ma kokarin shiga tsakani da Janar Abdulsalami Abubakar, Mai girma Muhammadu Sa'ad Abubakar, sarkin Musulmi da mai martaba Sanusi Lamido Sanusi, suka yi don kawo maslaha ga rikicin.
Malaman Najeriya sun tattauna da shugabannin sojojin Nijar
A halin da ake ciki, Legit.ng ta rahoto a baya cewa malaman addinin Musulunci a Najeriya sun samu damar zantawa da sojojin juyin mulki a Janhuriyar Nijar yayin da ake ci gaba da takkadama tsakaninsu da kungiyar ECOWAS.
Malaman Najeriya sun ajiye banbancin hakida sun hada kai zuwa Nijar a kokarin da suke na ganin an samu maslaha tare da hana zubar jini a kasar ta yammacin Afrika.
Asali: Legit.ng
