Elizabeth II: Za a Kashe Kusan Naira Biliyan 4 Wajen Bikin Jana’izar Sarauniyar Ingila

• Mutuwar Sarauniya Elizabeth II zai jawo kasa Birtaniya ta $6.9b wajen jana’iza da nadin sabon Sarki
• A makon da ya wuce aka ji Elizabeth II ta rasu tana shekaru kusan 100, ta shafe shekaru 70 a mulki
• Gwamnati tana cikin matsin tattalin arziki, amma haka nan za a batar da kudi wajen bikin jana’iza

United Kingdom - Gwamnatin Birtaniya tana shirin kashe makudan kudi domin jana’izar Marigayiya Elizabeth II wanda ta mutu a makon jiya.

AJ Plus ta bi diddikin shirye-shiryen da ake yi domin birne Sarauniyar Ingila watau Elizabeth II, jaridar tace gwamnati ta ware har Dala miliyan 9.

Hakan yana nufin abin da za a batar domin birne Sarauniyar ya kai N3.85bn a kudin Najeriya.

Za ayi wannan a lokacin da tattalin arzikin kasar Birtaniya yake neman tsukewa, kuma akwai sama da mutane miliyan biyu da ke neman abinci.

Kara karanta wannan

Atiku ya sha alwashin yin abin da Buhari ya gaza idan aka zabe shi a 2023

Facaka ko karrama masarauta?

Rahoton AJ + a Twitter ya nuna yanzu haka ana fama da tsadar rayuwa a Birtaniya, amma ana shirin batar da makudan kudi a jana’izar Elizabeth II.

Hasashen da aka yi, ya nuna kusan 14% na manyan mutanen da ke rayuwa a Ingila ba su iya cin abinci sau uku a rana saboda yadda kaya suka tashi.

Kudin abincin yara miliyan uku a makabarta

Akwai yara 800, 000 da iyayensu ba su da hali da ba su samun abinci a makarantu. $2.85 ake warewa kowane yaro, $9m zai ciyar da yara miliyan 3.15.

Baya ga yunwa da ke damun 33% na yara a kasar Turan, makarantu da-dama suna rage abincin da suke rabawa dalibansu a dalilin tsadar kayan abinci.

The Guardian tace nan da ‘yan watanni za a ji farashin mai da gas ya tashi da 27% a Ingila.

Kara karanta wannan

‘Dan takara Ya Ba Gwamnati Satar Amsar Magance Matsalar ASUU a Kwana 30

Sannan anyi hasashen mutum 1.3 za su shiga cikin kungurmin talauci a bana, adadin marasa hali zai zarce miliyan 15.2, a karon farko tun shekarar 2000.

Rahoton List ya koka cewa asibitoci sun fasa ganin marasa lafiya a ranar 19 ga watan Satumba saboda hukuma ta bada hutu domin a birne Sarauniya.

Sabon Sarki ya hau mulki

A baya mun kawo maku rahoto na takaitaccen bayani game da Charles Philip Arthur George watau Sarki Charles na III wanda ya zama Sarkin Birtaniya.

An haifi Charles na III a 1948, sabon Sarkin ya zama mai jiran gadon sarauta tun yana shekara uku rak da haihuwa, sai bayan shekaru 70 ya dace.

Asali: Legit.ng