Bollywood: An Kama Ɗan Shahararren Jarumi a Masana'antar Shirya Fina-Finan India
- Rahotanni na nuni da cewa hukumomin tsaro sun cafke ɗan shahararren jarumin Bollywood, Shah Rukh Khan, wato Aryan Khan
- Khan ya shiga hannun jami'an hukumar NCB ne bisa zarginsa da shan miyagun kwayoyi a lokacin wata liyafa
- Hakanan kuma an damke ɗan karamin ministan cikin gida, Ashish Mishra, da zargin bada umarnin take wasu manoma da mota
India - Rahotanni dake fitowa daga ƙasar Indiya, sun nuna cewa hukumomi sun cafke, Aryan Khan, ɗan shararren jarumi, Sharukh Shah Rukh Khan, ranar Lahadi.
BBC Hausa ta ruwaito cewa jami'an hukumar (NCB), masu sanya ido kan masu shan miyagun kwayoyi, sun damƙe Aryan Khan ne bisa zarginsa da shan miyagun kwayoyi yayin wata liyafa ta nishaɗi.
Khan ya shiga hannu ne yayin da yake kan hanyarsa ta zuwa Goa daga Mumbai, tare da iyalansa a cikin wani jirgin ruwa.
Asali: UGC
Meyasa aka tsare Aryan Khan?
Jami'an hukumar NCB, da suka jagoranci damke Aryan Khan, sun bayyana cewa sun ɗauki wannan matakin ne ƙarƙashin doka, "Mai alaka da sha da fataucin miyagun kwayoyi."
Masana dake sharhi kan al'umaran dake faruwa yau da kullum, na ganin cewa yawan kwayoyin da aka kama shi da su basu kai a tsare shi ba.
Hakanan masu sharhin na ganin cewa babu wani kwakkwaran dalili na tsare Khan duba da takardun da suka bayyana na cafke shi.
Hukumomi sun kama ɗan minsita a Indiya
Hakazalika, hukumomi a ƙasar ta Indiya sun cafke ɗan ƙaramin ministan cikin gida, Ashish Mishra, bisa zargin baiwa direbansa umarnin taka manoma dake zanga-zanga.
Lamarin dai ya haddasa mutuwar wasu daga cikin mutanen dake zanga-zangar, yayin da wasu da dama suka jikkata.
A wani labarin na daban Yan sanda sun kame waɗanda ake zargi da kisan babban malamin Addini a jihar Kano
Kakakin yan sandan jihar, Abdullahi Kiyawa, yace mutanen sun ce, suna zargin shugaban CAN da ɓoye wani mai laifi.
Rahoto ya nuna cewa Fasto Yohanna, ya jefa kanshi a cikin lamarin wani mutumi da mutane ke zargi da hallaka matar yayansa.
Asali: Legit.ng
