Da dumi-dumi: Tsohon gwamnan Najeriya ya mutu a ranar bikin samun 'yancin kai

Da dumi-dumi: Tsohon gwamnan Najeriya ya mutu a ranar bikin samun 'yancin kai

  • Commodore Ibrahim Kefas (mai ritaya), tsohon gwamnan Delta da Cross River a mulkin soja, ya rasu a ranar Juma'a, 1 ga watan Oktoba
  • Marigayi Kefas wanda ya rasu yana da shekara 73 ya yi aiki a matsayin jagora a mulkin soja na marigayi Janar Sani Abacha
  • Kefas ya sha kaye a hannun dan takarar PDP, Danbaba Suntai, a jihar Taraba yayin zaben gwamna na 2007

A daidai lokacin da 'yan Najeriya suke bikin murnar ranar yancin kan kasarsu, sai ga wani labari mara dadi na wani mutuwa da ya zo a ranar Juma'a, 1 ga watan Oktoba.

Kamar yadda AIT News ta ruwaito, tsohon gwamnan na Cross River da Delta a mulkin soji, Commodore Ibrahim Kefas (mai ritaya), ya rasu a ranar Juma'a a wani asibitin Abuja yana da shekaru 73.

Read also

'Yan sanda sun cafke masu garkuwa da mutane 2 su na tsaka da amsar kuɗin fansa

Da dumi-dumi: Tsohon gwamnan Najeriya ya mutu a ranar bikin samun 'yancin kai
Tsohon gwamnan Najeriya ya mutu a ranar bikin samun 'yancin kai Hoto: AIT News
Source: UGC

An binne marigayin daidai da koyarwar addinin Islama a wannan ranar.

Marigayi Kefas ya yi gwamnan soja na jihohin biyu tsakanin 1993 zuwa 1996 a zamanin mulkin soja na marigayi Janar Sani Abacha.

Shekaru bayan haka, Kefas ya tsaya takarar gwamnan Taraba a 2007 amma ya sha kaye a hannun dan takarar jam'iyyar Peoples Democratic Party (PDP), Danbaba Suntai.

Tsohon gwamnan mulkin soja, Ndubisi Kanu, ya rasu

A wani labarin, mun kawo cewa tsohon gwamnan jihohin Legas da Imo a zamanin mulkin soja, Rear Admiral Ndubisi Kanu (mai murabus) ya rasu yana da shekaru 77 a duniya.

Abokiyar huldar Kanu kuma mukusanciyarsa, Mrs Joe Okei-Odumakin ta tabbatar wa The Punch labarin a ranar Laraba.

Read also

'Yan fashi sun afka wa coci domin sace kudi, sun daba wa mai gadi wuka a Abuja

Kanu, wadda tsohon shugaban kasar mulkin soja, Janar Murtala Mohammed ya nada cikin majalisar kolin sojoji a shekarar 1975, daga bisani ya zama mai rajin kare hakkin bil adama bayan barin aikin soja.

Source: Legit Newspaper

Online view pixel