Korar minostocin Buhari: APC ta ce a maye gurbin Sale Mamman da dan jihar Taraba

Korar minostocin Buhari: APC ta ce a maye gurbin Sale Mamman da dan jihar Taraba

  • Jam'iyyar APC a jihar Taraba ta nemi shugaba Buhari ya nada dan jihar Taraba a matsayin minista
  • APC ta bayyana cewa, ya kamata shugaba Buhari ya dauko dan jihar ya maye gurbin Sale Mamman
  • Wannan na zuwa ne bayan da shugaba Buhari ya sallami wasu ministocinsa biyu bisa wasu dalilai

Taraba - Jam'iyyar APC mai ci a jihar Taraba ta yi kira ga shugaban kasa Muhammadu Buhari da ya bai wa jihar mukamin minista a madadin tsohon ministan wutar lantarki Sale Maman wanda aka cire kwanan baya.

Shugaban jam’iyyar APC a jihar, Ibrahim El-Sudi ne ya yi wannan kiran lokacin da yake zantawa da Daily Trust a Jalingo ranar Lahadi 5 ga watan Satumba.

Ya ce Taraba ta cancanci mukamin minista saboda jihar jiha ce da APC ke mulka.

Read also

Shugaban APC na kasa: Jigon jam’iyyar ya ce Ali Modu Sheriff ya cancanci jagorantar jam’iyyar mai mulki

Korar minostocin Buhari: APC ta ce a maye gurbin Sale Mamman da dan jihar Taraba
Tutar jam'iyyar APC | vanguardngr.com
Source: UGC

El-Sudi ya bayyana cewa APC a jihar ta bai wa shugaba Buhari kuri'u sama da kashi 45 cikin dari a lokacin zaben shugaban kasa da ya gabata.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Ya kara da cewa ta hanyar goyon bayan magoya bayan APC a Taraba suka bai wa Shugaba Buhari, jihar ta yi la'akari da duk wani yanayin siyasa da ya cancanci mukamin minista.

Ya kuma yi kira ga ministan wutar lantarki na yanzu da ya mai da hankali sosai wajen aiwatar da aikin samar da wutar lantarki na Mambilla, wanda tsohon ministan ya kasa samarwa.

Ya ce dole ne a yi wani abu na zahiri a aiwatar da aikin samar da wutar lantarki don shawo kan 'yan Najeriya da jama'ar jihar Taraba cewa Shugaba Buhari da gaske yake kuma yana da niyyar aiwatar da aikin.

A kalamansa, cewa ya yi:

Read also

Da dumi-dumi: Kotu ta kori Gwamna Buni a matsayin shugaban riko na APC, ta dakatar da taron karamar hukuma

"Yi farin ciki kan masifar da ta samu wani baya cikin halinmu, amma, duk da haka, muna son ganin bambanci a aiwatar da aikin samar da wutar lantarki na Mambilla kuma muna son a bai wa Taraba mukamin minista."

A halin da ake ciki, tsohon Ministan da magoya bayan sa ba su halarci babban taron jam'iyyar APC na jihar ba.

Buhari ya bayyana dalilin da ya sa ya kori ministocinsa biyu

Shugaba Muhammadu Buhari ya bayyana dalilin da yasa ya sallami ministoci biyu daga cikin yan fadarsa da ya zaba a ranar 21 ga watan Agustan 2019.

Sanarwar da kakakin shugaban kasar, Femi Adesina ya fitar ta ce bukatar 'sabon jini' ne yasa aka yi sauyin ministocin kamar yadda The Cable ta ruwaito.

Legit.ng ta ruwaito cewa an sallami Muhammad Sabo Nanono, Ministan Noma da Raya Karkara da Sale Mamman, Ministan Makamashi.

An maye gurbin su da Dr Mohammed Mahmood Abubakar, Ministan Muhalali da Abubakar D. Aliyu, Karamin Ministan Ayyuka da Gidaje.

Read also

Rashin kwazo: An gano sahihan dalilan da suka sa Buhari ya sallami Nanono da Mamman

Har wa yau, sanarwar ta ce sauyin ministocin wani abu ne da 'za a cigaba da yi' idan bukatar hakan ta taso.

Hotunan lokacin da ministan noma ke zaune a ofis dab da isowar sanarwar korarsa

A wani labarin, a ranar Laraba, 1 ga watan Satumba ne Sabo Nanono ya bar mukaminsa na ministan noma da raya karkara yayin da shugaba Muhammadu Buhari ya sanar da sallamarsa.

Legit.ng ta tattaro cewa Laraba ita ce ranar karshe ta tsohon minista a ofis yayin da ya shiga taron zartarwa na tarayya (FEC) na mako-mako.

A wani rubutu da aka yada a shafin Facebook na ma'aikatar aikin gona da raya karkara ta tarayya, da alama ministan ya nuna yana cikin bacin rai yayin halartar taron kusan.

Source: Legit

Online view pixel