Wata sabuwa: Isra'ila za ta turawa Palastinu riga-kafin Korona 5,000

Wata sabuwa: Isra'ila za ta turawa Palastinu riga-kafin Korona 5,000

- Rahotanni masu fitowa daga kasashen waje sun bayyana cewa Isra'ila za ta tallafawa Falasdinu

- Kasar Isra'ila ta fidda sanarwar cewa za ta aika wa kasar Falasdinu rigakafin Korona

- Kasashen biyu dake tsama da juna, ana tunanin wani bangare a Falasdinu ba za su bada hadin kai ba

Ma’aikatar tsaron Isra’ila ta fada yau Lahadi cewa za ta aika da alluran rigakafin kwayar cutar Korna 5,000 ga hukumar Falasdinu don yin allurar ga ma’aikatan lafiya, biyo bayan kiran da duniya ta yi wa Isra’ila na tabbatar da an yi wa Falasdinawa allurar rigakafi.

Mai magana da yawun Ministan Tsaro Benny Gantz ya shaida wa kamfanin dillacin labaran Faransa cewa "Na tabbatar za mu aika da alluran rigakafi 5,000 ga kungiyoyin likitocin da ke yankin Falasdinu."

Kasar yahudawa ta ƙaddamar da kamfen na rigakafin coronavirus mai ƙarfi a yankin Isra’ila, ƙoƙarin da ake ɗauka a matsayin mafi sauri a duniya, Channels Tv ta ruwaito.

Fiye da miliyan uku daga cikin mutane miliyan tara na ƙasar sun yi na farko daga cikin guda biyu da ake buƙata na alurar rigakafin Pfizer.

KU KARANTA: Wani dan majalisa ya harbe wanda ake zargin dan fashi da makami ne

Wata sabuwa: Isra'ila za ta turawa Palastinu riga-kafin Korona 5,000

Wata sabuwa: Isra'ila za ta turawa Palastinu riga-kafin Korona 5,000 Hoto: Getty Images
Source: UGC

Alurar riga kafi ba ta fara ba a Yammacin Gabar Kogi, yankin Falasɗinu da ke ƙarƙashin mamayar sojojin Isra’ila tun bayan Yakin kwana shida na 1967.

Hukumar Falasdinawa, wacce ke zaune a garin Ramallah da ke Yammacin Gabar Kogin Jordan, ba ta fito fili ta nemi taimakon Isra’ila ba wajen sayen rigakafin cutar ba.

Falasdinu duk da haka ya ba da sanarwar yarjejeniyoyin sayayya tare da masu samar da allurar rigakafin guda huɗu, ciki har da masu yin Sputnik V. na Rasha.

Kungiyar 'yantar da Falasdinu ta bukaci kasashen duniya "su tuhumi Isra'ila" da kuma tabbatar da cewa ta samar da allurar rigakafi ga dukkan Falasdinawa da ke rayuwa karkashin mamayar Isra'ila.

Majalisar Dinkin Duniya da Sarki Jordan na II na Jordan sun kuma yi kira ga Isra’ila da ta taimaka wajen tabbatar da cewa Falasdinawa miliyan 2.8 da ke Yammacin Gabar da kuma miliyan biyu a Gaza sun yi rigakafin kwayar.

Hamas, wata kungiyar masu kishin Islama da ke iko da zirin na Gaza, da alama ba za ta hada kai da Isra'ila a fili ba kan duk wani kokarin yin allurar rigakafin.

KU KARANTA: Sabbin hafsoshin sojoji sun isa Maiduguri don magance rashin tsaro

A wani labarin, Kasar Amurka ta bayar da gudummawar wani katafaren asibitin da zai taimakawa Najeriya wajen killace masu COVID-19, HumAngle ta ruwaito.

An bayar da gudummawar wurin ga Ma'aikatar Lafiya daga Ofishin Tsaro na Amurka reshen Afrika, tare da tallafin USAID, Cibiyar Kula da Cututtuka (CDC) da Walter Reed Army Institute of Research (WRAIR).

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Online view pixel