Labarai

Tirkashi: An dakatar da daurin aure a Jigawa bayan an gano cewa angon yana dauke da cutar kanjamau

Laraba, Janairu 01, 2020 at 6:33 Safiya daga Mudathir Ishaq 2 - tsawon mintuna

- Wata amarya wacce kwananta bai kare ba ta tsallaka rijiya da baya a jihar Jigawa

- A wajen daurin aure ne aka gwada ango aka gano yana dauke da cuta mai karya garkuwar jiki wato HIV

- Wannan ya kasance tamkar mabudin ido ga masu yunkurin aure wajen yin gwajin cutukan jini

Wani daurin aure ya tarwatse a jihar Jigawa a cikin ranakun karshen makon da ya gabata.

Ba a gida lamarin ya fasu ba, sai a wajen daurin auren bayan da jama'a suka taru don kulla auren.

Wannan lamarin ya auku ne bayan da aka yi wa Ango gwajin kanjamau kuma aka same shi da cutar a jiki.

Wani ma'aboci amfani da kafar sada zumuntar tuwita mai suna Ussy, ya bayyana yadda aka gwada angon a wajen daurin auren kuma aka gano yana dauke da cuta mai karya garkuwar jiki.

Wannan lamarin kuwa ya jawo cece-kuce daga ma'abota amfani da kafafen sada zumuntar zamani ta tuwita.

KU KARANTA: Dan Allah ku dinga sanya mu a hanya idan munyi abinda ba daidai ba - Sanata Ahmad Lawan ya roki 'yan Najeriya

Kamar yadda Ussy yace: "An fasa daurin aure a jihar Jigawa bayan da aka gwada ango a wajen daurin aure aka gano yana dauke da cuta mai karya garkuwar jiki. A hakan ne kuwa 'yan daurin aure suka tafi da alawa da aka rarraba tare da goro. Wannan amarya ya kamata ayi mata sam barka saboda ta tsallake rijiya da baya."

A tsokacin da Zulai Umar tayi a tuwita, "wannan ya kamata ya kasance darasi ga 'yan baya. A dage da gwajin cutukan dake cikin jini kafin a kai ga maganar aure."

Shi kuwa Zannah cewa yayi, "wannan ganganci ne. Kafin a kai ga tara jama'a balle a kai ga asarar kudi ne ya kamata ayi wannan abun kunyar."

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Daurin Aure Mata Da Miji