'Ka Nemi Yafiyar Kashim Shettima': Sanata Ndume Ya Shawarci Sabon Hadimin Tinubu

• Bayan nada Daniel Bwala hadimi na musamman ga Bola Tinubu, Sanata Ali Ndume ya yi magana kan muƙamin
• Sanata Ndume ya bukaci Bwala ya nemi gafarar mataimakin shugaban kasa, Kashim Shettima kan abin da ya yi masa
• Ndume ya kuma shawarci Bwala da ya koyi darasi daga Sunday Dare da kuma Bayo Onanuga da suka dade da Tinubu

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Sanata Mohammed Ali Ndume ya ba sabon hadimin Bola Tinubu a bangaren sadarwa, Daniel Bwala shawara.

Sanata Ndume ya bukaci Bwala ya nemi yafiyar mataimakin shugaban kasa, Kashim Shettima kan abin da ya yi kafin kafin zaben 2023.

Ndume ya fadi musabbabin barin Bwala APC

Ali Ndume ya fadi haka ne a yau Asabar 16 ga watan Nuwambar 2024 a cikin wata sanarwa da Daily Trust ta samu.

Kara karanta wannan

Kashim Shettima ya zama waliyyin ango, an bayyana sadakin diyar Kwankwaso

Sanata Ndume ya ce Bwala ya bar APC ne bayan nada Shettima a matsayin mataimakin dan takara a tikitin Musulmi da Musulmi.

Sanatan ya bukaci Bwala ya hada kai da Shettima domin tabbatar da muradun gwamnatin Bola Tinubu na 'Renewed Hope', Punch ta ruwaito.

Ndume ya ba Bwala shawara game da Shettima

"Ka yi aiki tare da Kashim Shettima a matsayin mai gidanka na biyu domin tabbatar da muradun gwamnatin Tinubu na 'Renewed Hope'."

"Ya kamata ka koyi darasi daga Sunday Dare da Onanuga da suka dade tare da Tinubu kuma suka kare muradunsa ba tare da zagi ba."

"Ya kuma kamata ka koyi darasi daga Hadiza Bala da Nuhu Ribadu da suke kare muradun Tinubu domin inganta kasar Najeriya."

- Mohammed Ndume

Ndume ya ba Tinubu shawara kan Ministoci

Kun ji cewa Sanata Mohammed Ali Ndume ya ya ba shugaban ƙasa, Bola Ahmed Tinubu bisa garambawul din da ya yi a gwamnatinsa.

Kara karanta wannan

A karshe, shugaba Tinubu ya sakawa tsohon hadimin Atiku da mukami a gwamnatinsa

Sanata Ndume, mai wakiltar Borno ta Kudu ya buƙaci Tinubu ya sake haska majalisar zartaswa domin akwai sauran ministocin da ya kamata a kora.

Ya kuma ba shugaban ƙasar shawarar ya haɗa taron tattalin arziki domin lalubo mafita da wannan halin da ƙasa ke ciki.

Asali: Legit.ng