Kotun Koli Ta Yi Hukuncin Karshe a Shari'ar Neman Tumbuke Gwamnan Gombe, Ta Fadi Dalillai

• Kotun Koli ta yanke hukuncin karshe kan takaddamar zaben gwamnan jihar Gombe a Najeriya
• Kotun ta tabbatar da nasarar Gwamna Inuwa Yahaya na jam'iyyar APC a matsayin halastaccen gwamna
• Kotun kuma har ila yau, ta yi fatali da korafe-korafen dan takarar jam'iyyar PDP, Jibrin Barde saboda rashin hujjoji

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

FCT, Abuja - Kotun Koli ta yi hukunci kan shari'ar zaben gwamnan jihar Gombe, Muhammad Inuwa Yahaya.

Kotun ta tabbatar da nasarar Gwamna Muhammad Inuwa Yahaya na jam'iyyar APC a matsayin halastaccen gwamnan jihar.

Wane hukunci kotun ta yanke a zaben Gombe?

Har ila yau, kotun ta yi fatali da korafe-korafen dan takarar jam'iyyar PDP, Muhammad Jibrin Barde saboda rashin gamsassun hujjoji.

Kara karanta wannan

Kotun Koli ta sake yanke hukuncin karshe kan shari'ar neman kifar da gwamnan Kebbi

Yayin hukuncin, jagoran alkalan guda biyar, Mai Shari'a, Kudirat Kekere-Ekun ta yi watsi da korafe-korafen Jibrin Barde kamar yadda Kotun Daukaka Kara ta yi.

Ta ce korafe-korafen da dan takarar PDP ya gabatar a gaban kotun ba su da tushe bare makama da za a yi amfani da su, cewar TheCable.

A baya, Kotun Daukaka Kara ta tabbatar da nasarar Gwamna Inuwa Yahaya na APC a matsayin zababben gwamnan jihar.

Martanin kotun kan korafe-korafen PDP

Yayin da kuma ta yi watsi da karar Jibrin Barde wanda ya yi takara a jam'iyyar PDP a zaben na watan Maris, cewar The Nation.

Tun farko, Hukumar zabe mai zaman kanta, INEC ta tabbatar da nasarar Gwamna Inuwa Yahaya a matsayin wanda ya lashe zaben.

Dan Barde a bangarensa, ya kalubalanci zaben da aka gudanar a watan Maris da cewa akwai kura-kurai cike a ciki.

Kara karanta wannan

Kotun Koli ta yanke hukuncin karshe kan shari'ar neman tsige gwamnan APC, akwai dalilai

Wannan na zuwa ne yayin da ake ci gaba da sauraran shari'ar zabukan jihohi da dama a Kotun Koli da ke Abuja.

Kotun Koli ta yi hukunci a zaben jihar Kebbi

Kun ji cewa Kotun Koli ta yi hukunci kan shari'ar zaben gwamnan jihar Kebbi a yau Juma'a.

Kotun ta tabbatar da nasarar Gwamna Nasir Idris na jami'yyar APC a matsayin wanda ya lashe zaben gwamna a jihar.

Yayin da ta yi watsi da korafe-korafen dan takarar jam'iyyar PDP a zaben, Aminu Bande saboda rashin gamsassun hujjoji.

Asali: Legit.ng