Kotun Koli Ta Yanke Hukuncin Karshe Kan Shari'ar Neman Tsige Gwamnan APC, Akwai Dalilai

• Kotun Koli ta yanke hukuncin karshe kan takaddamar zaben gwamnan jihar Ogun a Najeriya
• Kotun ta tabbatar da nasarar Gwamna Dapo Abiodun na jam'iyyar APC a matsayin halastaccen gwamnan jihar
• Kotun har ila yau, ta yi fatali da korafe-korafen dan takarar jam'iyyar PDP, Ladi Adebutu saboda rashin hujjoji

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

FCT, Abuja - Kotun Koli ta yi hukunci kan shari'ar zaben gwamnan jihar Ogun, Dapo Abiodun, TheCable ta tattaro.

Kotun ta tabbatar da nasarar Gwamna Dapo Abiodun na jam'iyyar APC a matsayin halastaccen gwamnan jihar.

Wane hukunci kotun ta yanke kan shari'ar Ogun?

Har ila yau, kotun ta yi fatali da korafe-korafen dan takarar jam'iyyar PDP, Ladi Adebutu saboda rashin gamsassun hujjoji.

Kara karanta wannan

Kotun Koli ta sake yanke hukuncin karshe kan shari'ar neman kifar da gwamnan Kebbi

Yayin hukuncin, jagoran alkalan guda biyar, Mai Shari'a, Tijani Abubakar ya yi watsi da korafe-korafen Adebutu kamar yadda Kotun Daukaka Kara ta yi.

Ya ce:

"A karshe, korafe-korafen ba su da tushe kuma ya kamata a yi watsi da su, don haka mun yi fatali da su."

A baya, Kotun Daukaka Kara ta tabbatar da nasarar Gwamna Dapo Abiodun na APC a matsayin zababben gwamnan jihar.

Sauran hukunce-hukuncen da ake yanke wa a Kotun Koli

Yayin da kuma ta yi watsi da karar Ladi Adebutu wanda ya yi takara a jam'iyyar PDP a zaben na watan Maris, cewar Tribune.

Wannan na zuwa ne yayin da ake yanke hukuncin zaben gwamnoni biyar a Kotun Koli a Abuja.

Tun farko a safiyar yau Juma'a 19 ga watan Janairu Kotun Kolin ta karkare shari'ar zaben gwamnan jihar Delta.

Kara karanta wannan

Kotun Koli ta yi hukuncin karshe a shari'ar neman tumbuke gwamnan Gombe, ta fadi dalillai

Kotun ta tabbatar da nasarar Gwamna Sherrif na jam'iyyar PDP a matsayin gwamnan jihar.

Kotun Koli ta tanadi hukunci kan shari'ar zaben Kaduna

Kun ji cewa, Kotun Koli ta shirya raba gardama kan shari'ar zaben gwamnan jihar Kaduna.

Kotun ta jingine hukunci kan takaddamar zaben da ake yi tsakanin PDP da APC a jihar.

Dan takarar jam'iyyar PDP, Isa Ashiru Kudan shi ke kalubalantar zaben Gwamna Uba Sani na jam'iyyar APC.

Asali: Legit.ng