Kotun Daukaka Kara Ta Yi Hukunci Kan Shari’ar Gwamnan PDP, Ta Ba da Dalili

• Kotun daukaka kara raba gardama a shari'ar zaben gwamnan jihar Delta da ake yi a jihar Legas
• Kotun ta tabbatar da nasarar Gwamna Sheriff Oborevwori na jam'iyyar PDP a matsayin wanda ya lashe zaben gwamna
• Har ila yau, kotun ta yi watsi da karar dan takarar jam'iyyar APC a jihar, Sanata Ovie Omo-Agege

Abdullahi Abubakar, kwararren editan siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Delta - Kotun daukaka kara ta yi hukunci kan shari'ar zaben Gwamna Sheriff Oborevwori na jihar Delta.

Kotun da ke zamanta a jihar Legas ta tabbatar da nasarar Gwamna Sheriff na jam'iyyar PDP a matsayin wanda ya lashe zaben gwamnan jihar.

Wane hukunci kotun ta yanke kan zaben Delta?

Har ila yau, kotun ta yi fatali da korafe-korafen dan takarar jam'iyyar APC, Sanata Ovie Omo-Agege, Vanguard ta tattaro.

Kara karanta wannan

Kotun daukaka kara da sanya ranar yanke hukuncin shari'ar zaben gwamnan Kaduna

Kotun ta ce mai karar ba shi da gamsassun hujjoji na rusa zaben da ta bai wa Gwamna Sheriff nasara a watan Maris.

Kafin wannan hukuncin, a watan Satumba kotun zabe ta kori karar Ovie inda ta tabbatar da nasarar Sheriff, Tribune ta ruwaito.

Omo-Agege ya sake rasa dama a kotun daukaka kara

Omo-Agege daga bisani ya daukaka kara zuwa kotun inda ya ke kalubalantar hukuncin karamar kotun, cewar Daily Post.

Sanata Omo-Agege wanda shi ne tsohon mataimakin shugaban Majalisar Dattawa ta tara ya bukaci kotun ta yi watsi da hukuncin karamar kotun.

Sheriff shi ne ya tsaya takarar gwamna a jam'iyyar PDP bayan mataimakin dan takarar shugaban kasa a PDP, Okowa ya kammala wa'adinsa.

Kotu ta tabbatar da nasarar Uba Sani na Kaduna

A wani labarin, kotun daukaka kara ta yi hukunci kan shari'ar zaben Gwamna Uba Sani na jihar Kaduna a yau Juma'a 24 ga watan Nuwamba.

Kara karanta wannan

Bayan shari'ar Nasarawa, kotu ta sake yanke hukunci kan shari'ar zaben gwamnan APC, ta ba da dalili

Kotun ta tabbatar da nasarar Uba Sani na jam'iyyar APC a matsayin wanda ya lashe zaben gwamna a watan Maris na wannan shekara.

Har ila yau, ta yi fatali da karar dan takarar jam'iyyar PDP, Isa Ashiru Kudan saboda rashin gamsassun hujjoji.

Asali: Legit.ng