Ganduje Ya Yi Kamu, Tsohon Minista da Ɗan Takarar Gwamna Sun Kara Yi Wa PDP Lahani

• Tsohon ministan ayyuka da tsohon ɗan takarar gwamna sun fice daga jam'iyyar PDP zuwa APC a jihar Edo
• Jiga-jigan biyu, Arch Mike Onolememen da Gideon Ikhine tare da magoya bayansu sun samu tarba mai kyau ranar Litinin
• Jagoran APC na yankin Esan, Cecil Esekhaigbe, ya ce sauya sheƙar mutanen na nuni da cewa APC zata kwace mulki a 2024

Ahmad Yusuf, gogaggen Edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Edo - Ministan ayyuka a gwamnatin tsohon shugaban ƙasa, GoodLuck Jonathan, Arch Mike Onolememen, ya sauya sheƙa daga jam'iyyar PDP zuwa APC a Edo.

Haka kuma tsohon ɗan takarar gwamna a inuwar PDP, wanda ya janye wa Gwamna Obaseki bayan ya baro APC zuwa PDP a 2020, Gideon Ikhine, ya bi sahu zuwa APC.

Kara karanta wannan

Gwamna ya shiga babbar matsala, masu ruwa da tsakin PDP sun goyi bayan Ministan Tinubu

Waɗan nan jiga-jigan biyu tare da magoya bayansu sun tattara sun canza sheƙa zuwa APC, inda suka samu tarba mai kyau ranar Litinin, kamar yadda Punch ta ruwaito.

Jagoran APC a yankin Esan, Janar Cecil Esekhaigbe mai rtaya ne ya tarbi masu sauya sheƙar da magoya bayansu a garun Uromi, hedkwatar ƙaramar hukumar Esan ta Arewa maso Gabas.

Da yake jawabi, Jigon ya bayyana cewa shigowar waɗannan ƙusoshin siyasar cikin APC wata alama ce da ke nuna jam'iyyar zata samu nasara a zaɓen gwamna mai zuwa a 2024.

Ya kuma ƙara da cewa shiyyar Sanatan yankin ne zata fidda gwamnan jihar Edo na gaba.

Esekhaigbe ya ce:

"Wadannan manyan mutane ne, kuma sanannu ne a Najeriya da ma’abota siyasa don haka matakin na nuna jam’iyyar APC ce ta dace mutane su runguma."

Kara karanta wannan

Makinde: Gwamnan PDP ya ciri tuta, ya yi ƙarin albashi mai tsoka ga ma'aikata da 'yan fansho

"Sauya shekarsu na da muhimmanci saboda yayin da muke tunkarar 2024, alamu sun fito fili cewa Esan ce zata fidda sabon gwamna na gaba. Zamu haɗu mu matsa kuma zamu ci nasara da yardar Allah."

Meyasa suka koma APC?

A nasa jawabin, Mista Ikhine, ya bayyana cewa ya yanke shawarar shiga APC ne domin kwace gwamnatin jihar Edo a zaɓe na gaba.

"Hakan zai nuna wa al'umma su fahimci cewa zuwa 2024, jam'iyyar APC za ta mamaye gidan gwamnati da ke Osadebe. APC na zaune lafiya babu wata rigimar cikin gida," in ji shi.

Wani jigon APC, Usman Lawal, ya shaida wa Legit Hausa cewa tabbas jam'iyyar su tana zawarcin ƴan adawa a shirye-shiryen tunkarar zaɓen 2027.

"Wannan ba abun mamaki bane, domin APC tun bayan zuwan Ganduje ta fara shirin tunkarar zabe na gaba, na san a nan yanki na Ɗanja a jihar Katsina, muna kokarin shawo kan wasu su shigo a dama da su."

Kara karanta wannan

Shugabannin NNPP a Arewa maso Yamma sun yi zama kan batun korar Kwankwaso a jam'iyya

Ya faɗa wa wakilin mu cewa nan gaba jiga-jigan jam'iyyu harda masu riƙe da madafun iko zasu sauya sheƙa zuwa APC gabanin babban zaɓe mai zuwa.

Mahaifin Gwamna Soludo Ya Riga Mu Gidan Gaskiya

A wani rahoton kuma Allah ya yi wa mahaifin Gwamna Soludo na jihar Anambra rasuwa da sanyin safiyar ranar Litinin, 6 ga watan Nuwamba, 2023.

Sakataren watsa labaran gwamnan, Christian Aburume, ya bayyana cewa marigayin ya rasu ne bayan fama da jinya ta ɗan lokaci ƙanƙani.

Asali: Legit.ng