Shari'ar Atiku, Obi Da Tinubu: Fasto Kingleo Elijah Ya Ce Wasu Za Su Sharɓi Kuka Bayan Hukunci

• Fasto David Kingleo Elijah, na Cocin ‘Glorious Mount of Possibility’, ya hasaso yadda za ta kaya a kotun zaɓe
• Ya bayyana cewa wasu daga cikin magoya bayan Atiku, Obi da Tinubu za su yi kuka, yayinda wasu kuma za su dara
• Faston ya yi kira ga 'yan Najeriya da su yi fatan Allah ya ba su wanda zai fi zama alkhairi ta fuskar tsaro da zaman lafiya

Fasto David Kingleo Elijah na Cocin ‘Glorious Mount of Possibility’, ya bayyana abinda zai biyo bayan hukuncin da kotun sauraron ƙararrakin zaɓe za ta yanke na shari'ar Atiku, Peter Obi da Tinubu.

Kotun zaɓen dai ta tsayar da ranar Laraba, 6 ga watan Satumba a matsayin ranar da za ta yanke hukunci kan ingancin nasarar Bola Tinubu ko akasin hakan.

Kara karanta wannan

Atiku, Obi Da Tinubu: Jigon PDP Ya Ce Bai Dace Kotu Ta Ayyana Wanda Ya Yi Nasara Ba, Ya Fadi Abinda Ya Kamata a Yi

Wasu za su sha kuka bayan hukuncin kotu

A wani bidiyo da ya wallafa a tasharsa ta YouTube, faston ya ce wasu daga cikin magoya bayan 'yan takarar uku za su sharɓi kuka, yayinda wasunsu kuma za su yi dariya.

Kingleo Elijah ya ce babban abinda ya kamata 'yan Najeriya su yi shi ne roƙon Allah ya ba su wanda zai fi zama alkhairi ta fuskar samar da tsaro da zaman lafiya.

Atiku Abubakar na jam'iyyar PDP, da Peter Obi na jam'iyyar Labour ne dai ke kan gaba wajen ƙalubalantar nasarar lashe zaɓen da Shugaba Tinubu ya yi a gaban kotu.

Bode George ya nemi kotu ta sanya INEC sake zabe

A baya Legit.ng ta kawo rahoto kan tsokacin da jigon jam'iyyar PDP, Cif Olabode George ya yi kan shari'ar zaben shugaban kasa da za a yanke hukuncinta ranar Laraba.

Kara karanta wannan

Shari'ar Atiku, Obi Da Tinubu: Jami'an Tsaro Sun Fitar Da Muhimmin Gargaɗi Gabanin Yanke Hukunci

Ya nuna matuƙar damuwarsa kan yadda kotunan Najeriya ke taka muhimmiyar rawa wajen bayyana ɗan takarar da ya yi nasara a zaɓe.

Bode George ya buƙaci kotun sauraron ƙararrakin zaɓen da ta yi hukunci cikin adalci, ko ma ta bai wa Hukumar Zabe Mai Zaman Kanta ta Kasa (INEC), damar sake gudanar da sabon zabe.

Jami'an tsaro sun gargadi masu son tada husuma

Legit.ng a baya ta yi rahoto kan gargaɗin da jami'an tsaro suka yi wa masu son tada husuma dangane da hukuncin da kotun zaɓe za ta yanke ranar Laraba.

Jami'an sun bayyana cewa ba za su lamunci duk wani nau'i na zanga-zanga ko tayar da hankulan jama'a ba, kuma za su ɗauki mataki kan duk wanda ya aikata hakan.

Asali: Legit.ng