Shahararriyar Sanatan PDP Na Shirin Komawa Jam'iyyar APC A Muhimmin Jihar Kudu Maso Gabas
- An rahoto cewa Uche Ekwunife, sanata mai wakiltar Anambra ta Tsakiya, tana shirin komawa jam'iyyar APC domin samun tikitin takarar gwamna a zaben 2025 a jihar Anambra
- Ekwunife, wacce a halin yanzu yar jam'iyyar Peoples Democratic Party, PDP, ne ta yi takarar gwamnan jihar Anambra sau uku a tarihinta na siyasa
- Wata majiya kusa da sanatan ta ce tuni ta fara shiri don shiga jam'iyyar APC gabanin 2025
Jihar Anambra - Akwai kwararan alamu da ke nuna cewa sanata mai wakiltar Anambra Central, Uche Ekwunife, za ta iya komawa jam'iyyar All Progressives Congress, APC gabanin zaben gwamna na shekarar 2025 a jihar Anambra.
Mai kawo wa Legit.ng rahoto a Anambra, Makwugwo Solomon, ya rahoto cewa Ekwunife, wacce a halin yanzu yar jam'iyyar Peoples Democratic Party, PDP, ta yi takarar gwamna sau uku a tarihinta na siyasa.
Asali: Twitter
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Ta kuma wakilci Dunukofia/Njikoka/Anaocha sau uku a Majalisar Tarayya sannan ta yi wa Anambra ta Tsakiya sanata sau biyu.
Uche Ekwunife na shirin samun tikitin gwamna na APC - Majiya
Wata majiya da ke da kusanci da sanatan ya fada wa Legit.ng a Awka a ranar Asabar, 22 ga watan Afrilu cewa ta fara aiki don ganin yiwuwar komawa jam'iyya mai mulki na APC don neman tikitin takarar gwamnan Anambra a 2025.
Majiyar ta ce:
"Jiya, madam ta tafi ziyarar ban girma da shugabannin APC a Jihar Anambra suka kai wa Hope Uzodimma na jihar Imo.
"Ta tafi tare da Hon Ifeanyi Ibezi, Ambasada Elijah Onyeagba, Paul Chukwuma, da Hon Ralph Okeke. Zababben gwamnan jihar Benue, Rabaran Fada Alia, ta tafi tare da su a Imo.
"Ta sanar da wasu cikinmu da ke tare da ita niyyarta. Wasu cikin mu mun shawarci Iyom ta shiga jam'iyyar Labour ba APC ba, amma tana ganin shiga jam'iyyar APC a wannan lokacin shine abin da ya fi dacewa."
Kara karanta wannan
2023: Jerin Sunayen 'Yan Takarar Gwamnan APC a Jihohi 3 da Suka Shiga Hannun INEC
Lokaci na na zama shugaban majalisar dattawa ya yi - Orji Kalu
A wani rahoton, Sanata Orji Kalu, bulaliyar majalisar dattawan Najeriya ya sanar da niyyarsa na shiga cikin masu takarar shugabancin majalisar tarayya zubi na 10.
Kalu mai wakiltar mazabar Abia ta Arewa a majalisar, ya fadi hakan ne a ranar Talata lokacin da ya ke zantawa da yan jarida a majalisar.
Asali: Legit.ng
