Lokaci Ya Yi: Tsohon 'Dan Wasa kuma Kocin Super Eagles Ya Rasu a Shekara 74

• Tsohon kyaftin din Super Eagles kuma mai horas da ƙungiyar, Christian Chukwu, ya rasu yana da shekaru 74, abin da ya girgiza Najeriya
• Tsohon dan wasa, Olusegun Odegbami ya bayyana bakin ciki bisa rasuwar abokinsa,ya ce Chukwu babban gwarzo ne a tarihin ƙwallo
• Chukwu ya jagoranci Green Eagles suka lashe kofin nahiyar Afirka a 1980, kuma ya kai Super Eagles wasan kusa da na ƙarshe a 2004
• A 2021, jita-jitar mutuwarsa ta yadu, sai dai ya karyata hakan yayin da rasuwar a wannan lokaci ta kawo ƙarshen wani tarihi a kwallon ƙafa

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Ikeja, Lagos - Tsohon kyaftin na Green Eagles da kuma mai horas da Super Eagles, Christian Chukwu, ya rasu.

An sanar da rasuwar marigayin a yau Asabar yana da shekaru 74 duk da cewa ba a bayyana dalilin mutuwar ba.

Kara karanta wannan

Atiku, El Rufai, Malami da sauran manyan ƴan adawa da suka ziyarci Buhari a Kaduna

Tsohon dan wasan Super Eagles ya rasu

Hakan na kunshe a cikin wata sanarwa mai cike da tausayawa da tsohon ɗan wasa kuma fitaccen gwarzo, Dr. Olusegun Odegbami ya fitar, cewar TheCable.

A cikin sanarwar, Odegbami ya bayyana alhininsa kan babban rashi da al'ummar Najeriya suka yi dama masu sha'awar kwallon kafa.

Ya ce:

“Na samu labarin cewa tsakanin ƙarfe 9:00 zuwa 10:00 na safiyar yau Asabar, Christian Chukwu abokina na kusa kuma abokin wasana, ɗaya daga cikin manyan ‘yan wasa a tarihin ƙwallon Najeriya ya rasu.

"Tsohon kyaftin da mai horar da ƙungiyar ƙasa, ya rasu. Babuje, Emmanuel Okala, MON, ne ya faɗa mani wannan labari mai ban tausayi da ‘yan mintoci kaɗan da suka wuce!.

"Allah ya ba ‘Onyim’ gida a Aljanna, kuma ya ba iyalansa haƙurin wannan babban rashi da aka yi."

Gudunmawar marigayin a harkar ga Super Eagles

An ce Chukwu ya kasance ginshiƙi a ƙwallon ƙafa ta Najeriya, inda ya taka rawa sosai a fili da wajen fili tare da ba da gudunmawa mai tsoka a harkar wasanni..

Kara karanta wannan

'Yan sanda sun kwato manyan bindigogi, sun gwabza fada da 'yan fashi

Ya jagoranci Green Eagles zuwa nasarar lashe kofin Afirka a 1980, sannan ya horas da ƙungiyar ƙasa har suka kai wasan kusa da na ƙarshe a gasar AFCON ta 2004, The Nation ta ruwaito.

A shekarar 2021, jita-jitar mutuwarsa ta karade duniya, wanda ya sa ya fito fili ya karyata hakan yayin bikin zagayowar ranar haihuwarsa ta 70.

Rasuwarsa alama ce ta ƙarewar wani babi mai muhimmanci a tarihin ƙwallon ƙafa ta Najeriya, yayin da sakonnin ta’aziya ke ci gaba da shigowa daga ko’ina cikin duniya.

Legit Hausa ta tattauna da masoyin kwallon kafa

Wani tsohon mai sha'awar kallon kwallon Najeriya ya kaɗu da samun labarin rasuwar Christian Chukwu.

Farouk Usman ya ce tabbas 'Chairman' kamar yadda kiransa ya taka rawar gani matuka.

"Ba zan manta irin gudunmawar da ya bayar ba musamman lokacin da yake kyaftin din 'Green Eagles'."

- Cewar Farouk

Manchester ta dawo zawarcin tauraron S/Eagles

Kara karanta wannan

Akpabio ya fadi abin da ya sani kan yunkurin hallaka Sanata Natasha

Mun ba ku labarin cewa rahotanni sun ce Napoli da Manchester United na tattaunawa kan siyan Victor Osimhen, yayin da kungiyarsa ke shirin rage farashinsa.

Cinikiyyar Napoli da United ta kara karfi yayin da kungiyar ta ki yarda ta sayar da Osimhen ga Juventus saboda gudun karfafa abokan hamayya a Italiya.

Sai dai Manchester United ta dauki Osimhen a matsayin babban burinta, duk da rashin tabbas na shiga gasar Turai yayin da Arsenal ma ke muradinsa.

Wanda ya tantance Muhammad Malumfashi, babban edita a Legit.ng.

Asali: Legit.ng