Fubara Ya Magantu kan Fasa Bututun Mai a Ribas, Ya Fadi Gaskiyar me ke Faruwa

• Rahotanni na nuni da cewa gwamnan Ribasa da aka dakatar ya musanta labaran da ake yadawa kan fashewar bututun mai a jihar
• Gwamna Siminalayi Fubara ya nesanta kansa daga kowacce kungiya ta 'yan bindiga ko masu tayar da zaune tsaye a Ribas
• Bayan haka, Simi Fubara ya gargadi masu yada labaran karya a shafukan sada zumunta da su daina haddasa rudani a jihar

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Rivers - Gwamnatin Ribas ta nesanta kanta daga wasu hotuna da bidiyoyi da ke yawo a shafukan sada zumunta, inda ake ikirarin an fasa bututun mai a wasu sassan jihar.

Rahotanni sun bayyana cewa wasu gurbatattun mutane na kokarin alakanta wadannan bidiyoyi da magoya bayan gwamna Siminalayi Fubara.

Kara karanta wannan

Gwamna Abba ya yi buda biki da marayu, ya ɗauki alkawarin ba su aikin yi

Babban sakataren yada labaran gwamnan, Nelson Chukwudi ya bayyana a wata sanarwa da ya fitar a Facebook, cewa ba a fasa bututun mai ba wuraren da ake zargi

A cewarsa, al’ummomin da ake ikirarin cewa an fasa bututun mai a yankunansu sun fito fili sun karyata labarin.

Nelson Chukwudi ya tabbatar da cewa dukkanin kayayyakin gwamnati da ke yankunan suna nan cikin aminci da kariya.

Sanarwar ta kuma bayyana cewa Siminalayi Fubara ba zai lamunci yunkurin tayar da zaune tsaye ba, yana mai gargadin masu yada irin wadannan labarai marasa tushe.

Fubara ya nesanta kansa daga 'yan ta'adda

Gwamna Siminalayi Fubara ya nesanta kansa daga kowacce kungiya ta 'yan bindiga ko masu tayar da fitina a jihar Ribas ko yankin Niger Delta.

Ya bayyana cewa ba zai taba mara wa kowanne dan ta'adda baya ba, kuma yana da burin tabbatar da zaman lafiya a jihar.

Kara karanta wannan

Bayan jita jita, Fubara ya bayyana a bainar jama'a da ya kawo karshen rade radi

Fubara ya nanata cewa zaman lafiya shi ne ginshikin ci gaba, don haka zai ci gaba da kokarin ganin an samu kwanciyar hankali a Ribas.

Ya kara da cewa yana da kwarin gwiwa cewa muddin aka samu zaman lafiya, to za a iya aiwatar da shirye-shiryen ci gaba da kuma samar da ayyukan yi ga jama'a.

Fubara ya gargadi masu yada labaran bogi

Fubara ya gargadi masu yada labaran karya a shafukan sada zumunta da su daina tayar da hankalin jama'a da rahotannin bogi.

Ya bayyana cewa labaran bogi na haifar da matsaloli da ka iya kawo cikas ga zaman lafiya da ci gaban jihar.

Vanguard ta wallafa cewa ya bukaci hukumomin tsaro su dauki matakin da ya dace domin gano masu yada wadannan bidiyoyi tare da gurfanar da su a gaban shari'a.

A cewarsa, irin wadannan rahotannin bogi sun haddasa rudani a kwanakin baya, wanda hakan ke iya jefa jihar cikin mawuyacin hali.

Kara karanta wannan

Nasarori 3 da Nyesom Wike ya samu a cikin kwanaki 3 a siyasar jam'iyyar PDP

Sabaoda sabanin siyasa da aka samu a jihar ne Bola Tinubu ya dakatar da Simi Fubara tare da nada shugaban riko a jihar.

An fara maganar sulhun rikicin Rivers

A wani rahoton, kun ji cewa gwamnoni a yankin Kudu maso Kudu sun fara maganar sulhu domin daidaita lamuran siyasa a jihar Ribas bayan dakatar da gwamna.

Bangaren ministan Abuja, Nyesom Wike sun nuna gamsuwa da daukar matakin sulhu kan rikicin da ya jawo dakatar da gwamna Simi Fubara da 'yan majalisar jihar.

Wanda ya tantance Muhammad Malumfashi, babban edita a Legit.ng.

Asali: Legit.ng