Duniya ba Tabbas: Mahaifiyar Gwamna Dikko Radda Ta Rasu Ana Azumin Ramadan

• An shiga jimami a jihar Katsina sakamakon rasuwar Hajiya Safara’u Umar Radda, mahaifiyar Gwamna Dikko Radda, a ranar Lahadi 23 ga Maris, 2025
• Hajiya Safara’u ta rasu bayan ta sha fama da doguwar jinya kamar yadda hadimin gwamna, Isah Miqdad, ya sanar a shafin X
• Sanarwar ba ta fadi lokacin jana'izarta ba, sai dai an bayyana cewa marigayiyar ta yi fama da jinya kafin rasuwarta
• Miqdad ya roki Allah ya jikan marigayiyar, tare da yi mata addu'ar rahama da samun gafara kamar yadda sanarwar ta bayyana

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Katsina - Jihar Katsina ta shiga alhini bayan sanar da rasuwar mahaifiyar Gwamna Dikko Umaru Radda.

An sanar da rasuwar Hajiya Safara’u Umar Radda a yau Lahadi 23 ga watan Maris, 2025 bayan ta sha fama da jinya.

Kara karanta wannan

Tafsirin Ramadan ya tsaya, fitaccen malamin Musulunci ya rasa mahaifiyarsa a Borno

Gwamna Dikko Umaru Radda ya yi rashi

Wannan na kunshe ne a cikin wata sanarwa da hadimin gwamnan a bangaren sadarwa ta zamani, Isah Miqdad ya wallafa a shafin X.

A cikin sanarwar, Miqdad ya ce dattijuwar ta rasu bayan tasha da fama da jinya mai tsawo.

Sai dai a cikin sanarwar bai bayyana lokacin da za a yi sallar jana'izarta ba da kuma sauran bayanai.

Daga bisani, ya yi mata addu'ar samun rahama daga Ubangiji tare da fatan Allah ya jikanta da sauran wadanda suka riga mu gidan gaskiya.

Sanarwar ta ce:

"Ina mai bakin cikin sanar da rasuwar Hajiya Safara’u Umar Radda, mahaifiyar Gwamnan Jihar Katsina, Malam Dikko Radda, bayan fama da doguwar jinya. Allah ya jikanta, Amin."

An jero fitattun ƴaƴan marigayiyar

Wani na kusa da dangin marigayiyar ya tabbatar da cewa ta rasu da safiyar Lahadi 23 ga watan Maris, 2025 bayan gajeriyar rashin lafiya.

Kara karanta wannan

Duniyar fina finan Najeriya ta yi rashi, fitacciyar jaruma ta rasu bayan mata tiyata

Har ila yau, wani da ke da kusanci da iyalin da ya tattauna da wakilin PM News ya bayyana Hajiya Safara’u a matsayin jigo kuma ginshikin iyalansu.

Ya ce marigayiyar ta kasance uwa ga kowa wacce take tausayawa na kasa da ita yayin da ya ce tabbas za a yi rashinta matuka.

Ya ce:

"Ta gudanar da rayuwarta cikin kaskantar da kai da kuma tausayi musamman ga dukan wadanda ke tare da ita.

Sauran fitattun ’ya’yan Hajiya Safara’u sun haɗa da Dagacin Radda, Alhaji Kabir Umar Radda, da Hajiya Hauwa Umar Radda, tsohuwar matar marigayi Shugaba Umaru Musa Yar’adua.

Masu juyayi na ta tururuwa zuwa gidan don yi wa iyalanta ta’aziyya kan babban rashi da aka yi.

Mahaifiyar malamin Musulunci ta rasu a Borno

A jiya, mun ba ku labarin rasuwar mahaifiyar fitaccen malamin Musulunci a jihar Borno, Farfesa Sheikh Muhammad Alhaji Abubakar.

Kara karanta wannan

Barau na kara barazana ga Abba a Kano, 'yan fim din Dadinkowa sun goyi bayansa

Malamin wanda shi ne babban limamin masallacin Indimi ya tsayar da gudanar da tafsirin Kur'ani na kwanaki biyu saboda rashin da aka yi.

Rahotanni sun tabbatar da cewa an gudanar da sallar jana'izar marigayiyar a jiya Asabar 22 ga Maris, 2025 a babban masallacin 505 da ke Maiduguri.

Wanda ya tantance Muhammad Malumfashi, babban edita a Legit.ng.

Asali: Legit.ng