Gwamnatin Tinubu Ta Samu Kudi Sama da Naira Biliyan 2 daga Ɗaura Aure a 2024

Gwamnatin Tinubu Ta Samu Kudi Sama da Naira Biliyan 2 daga Ɗaura Aure a 2024

  • Gwamnatin tarayya ta hannun ma'aikatar harkokin cikin gida ta samu kuɗin shiga da suka haura Naira biliyan 2 daga ɗaurin aure a 2024
  • Ministan cikin gida, Dr. Olubunmi Tunji-Ojo ya sanar da hakan da yake zantawa da manema labarai a Abuja ranar Talata, 28 ga watan Janairu, 2024
  • Ya ba da tabbacin cewa gwamnati za ta ɗauki matakan kara karfafa tsaro a iyakokin ƙasar nan wanda zai taimaka wajen tabbatar da zaman lafiya a cikin gida

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

FCT Abuja - Gwamnatin Tarayya ta ce ta samu kuɗin shiga kusan Naira biliyan 2.4 a 2024 daga harkokin ɗaurin aure a Najeriya.

Gwamnatin ta bayyana cewa ta tara waɗannan maƙudan kudi ne ta hanyar rajistar aure da ke karkashin ma’aikatar harkokin cikin gida.

Ministan cikin gida, Dr. Tunji-Ojo.
Gwamnatin Tarayya ta tara sama da Naira biliyan 2 daga aurarrakin da aka ɗaura a 2024 Hoto: Dr Olubunmi Tunji-Ojo
Asali: Facebook

Ministan Harkokin Cikin Gida, Dakta Olubunmi Tunji-Ojo, ne ya bayyana hakan a ranar Talata a Abuja yayin wata ganawa da manema labarai, jaridar Vanguard ta kawo.

Kara karanta wannan

"Ba haka ya kamata ba," Peter Obi ya kawo cikas a shirin haɗakar Atiku da Kwankwaso a 2027

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Gwamnatin Tinubu ta samu ƙarin kudin shiga

A cewarsa, ma’aikatar ta kuma samu sama da naira biliyan 3.2 daga aikace-aikacen neman izinin kwangilar ‘yan kasashen waje.

Ministan ya ce idan aka haɗa jimulla, an samu karin kashi 150 cikin 100 na kudaden shiga da aka tattara a shekarar 2024.

Wannan ci gaba, a cewar ministan, ya nuna cewa rajistar aure ta zama babbar hanyar samun kudin shiga ga ma’aikatar, wanda ke kara tabbatar da tasirinta a fannin kudaden shiga na kasa.

Tunji-Ojo ya kara da cewa, a shekarar 2023, ma’aikatar ta zarce hasashen kudaden shiga daga ɗaurin aure, inda ta tara sama da Naira miliyan 892 zuwa ranar 31 ga Oktoba, 2023.

Ya kara da cewa haka a 2024, ma'aikatar ta nunka kuɗin shigar da ta samu daga ɗaurin aurarraki, wanda ya kai kusa N2.4bn, kamar yadda Channels tv ta rahoto.

Wannan ya nuna ci gaba mai kyau a kokarin da ake yi na kara samun kudaden shiga daga bangaren rajistar aure.

Kara karanta wannan

An sanya lokacin da maniyyata za su kammala biyan kudin Hajjin 2025 a jihar Kwara

Gwamnatin tarayya za ta tsaurara tsaro

Tunji-Ojo ya ce Gwamnatin Tarayya na shirin kara tsaurara tsaro a kan iyakokin kasar domin dakile shigowar bakin haure ba bisa ka’ida ba.

Ya ce shirin zai taimaka wajen ƙara kargin tsaroa a cikin gida da kuma tabbatar da ana doka da oda a sau da ƙafa a Najeriya.

Ministan ya yi alkawarin ci gaba da daukar matakai domin kara inganta ayyukan ma’aikatar cikin gida musamman ta hanyar kara tsaurara tsaro a kan iyakokin kasa.

Haka zalika ya ce za a ɗauki matakai domin sauƙaƙa tsarin ayyukan ma'aikatar cikin gida da kuma lalubo hanyoyin ƙara samuj kuɗaɗen shiga.

NNPCL ta tarawa gwamnati N10trn

A wani labarin, kun ji cewa kamfanin mai na ƙasa watau NNPCL ya tara Naira tiriliyan 10 kuma aka saka a su asusun gwamnatin tarayya a shekarar 2024.

Shugaban NNPCL, Malam Mele Kyari ne ya faɗi hakan a lokacin da ya bayyana gaban Majalisar tarayya domin kare kasafin kudin 2025.

Muhammad Malumfashi, babban edita a sashen Hausa na Legit ya duba labarin.

Asali: Legit.ng

Authors:
Ahmad Yusuf avatar

Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262

iiq_pixel