Dattawa Sun Yanke Shawara, Sun Fadawa Tinubu Sabuwar Jihar da Suke So a Kirkira
- Dattawan Igbo sun nuna goyon baya ga kafa jihar Anioma, suna masu kira ga shugaba Bola Tinubu da ya biya masu bukatarsu
- Majalisar UNIEC ta ce kafa jihar Anioma zai tabbatar da daidaito da kuma bunkasar tattalin arziki a shiyyar Kudu maso Gabas
- Dattawan sun yi ikirarin cewa an dade ana nuna wariya ga kabilar Igbo a siyasar Najeriya, don haka dole a kafa jihar Anioma
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Kudancin Najeriya - Kungiyar majalisar dattawan Igbo (UNIEC) ta tabbatar da goyon bayanta ga kafa jihar Anioma, inda ta bukaci Shugaba Bola Tinubu da ya dauki mataki a kai.
Dattawan sun jaddada bukatar kafa sabuwar jihar a cikin wata sanarwa mai taken, “majalisar dattawan Igbo na ci gaba da fafutukar kafa jihar Anioma."
Asali: Twitter
Igbo na so a kirkiri jihar Anioma
Sanarwar, da Justis Alpha Ikpeama da Farfesa Obasi Igwe suka sanyawa hannu, ta bayyana bukatar ba da fifiko ga kafa jihar Anioma, a cewar rahoton Vanguard.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Majalisar UNIEC ta ce:
“Ba mu adawa da kafa jihohi irinsu Aba, Adada, Etiti, Njaba, Orashi, Orlu, ko wasu a Kudu maso Gabas."
Amma ta jaddada cewa, “muna matukar goyon bayan cewa jihar Anioma ta samu fifiko fiye da sauran jihohin da ake so a kirkira.”
Dattawa sun aika sako ga shugaba Tinubu
Majalisar ta kara da cewa an dade ana mayar da al’ummar Igbo saniyar ware a tsarin siyasar Najeriya, don haka kafa jihar Anioma ya zama wajibi yanzu.
“Muna kira ga shugaban kasa Bola Tinubu da ya saurari kiraye-kirayen jama’ar Anioma da al’ummar Igbo don kafa jihar Anioma,”
- UNIEC.
Dattawan sun ce kafa sabuwar jihar Anioma zai kawo ci gaba a yankin, tare da taimaka wa Najeriya baki daya ta fuskar ci gaban tattalin arziki.
Sanata ya bukaci krikirar jiha a Kano
A wani labarin, mun ruwaito cewa sanata Kawu Sumaila ya gabatar da kudiri a majalisar tarayya na neman kirkirar sabuwar jiha a Kano.
Kudurin wanda a halin yanzu ya tsallake karatu na farko, na nufin kirkirar sabuwar jiha mai suna 'Jihar Tiga' kuma za a cire ta daga jihar Kano.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
