'Yan Bindiga Sun Kashe babban Malamin Addini a Arewa, Sun Yi Garkuwa da Mutane 3
- 'Yan bindiga sun kashe Apostle Ranti Ige-Daniel a Isanlu, jihar Kwara yayin da yake kan hanyarsa ta zuwa wajen jana'iza
- An ce faston ya ziyarci garin Isanlu domin yin wa’azi kuma an kai masa hari yayin tafiya zuwa jana'iza bayan kammala wa'azin
- 'Yan bindigar sun kuma yi garkuwa da mutum uku daga cikin malamin inda suke neman kudin fansa na Naira miliyan 30
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Kwara - 'Yan bindiga sun kashe wani babban fasto, Apostle Ranti Ige-Daniel, na cocin Royal Assembly Sanctuary bayan kammala wa'azi a jihar Kwara.
An ce 'yan bindigar sun farmaki malamin a kan hanyar garin Idofin zuwa Makutu lokacin da yake tare da wasu mutane uku a cikin motarsa.
Asali: Original
'Yan bindiga sun kashe fasto a Kwara
Jaridar Daily Trust ta ce malamin ya halarci wa'azi a garin Isanlu a ranar Talata, kuma an kai masa hari a kan hanyarsa ta zuwa jana'iza bayan kammala wa'azin.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wata majiya ta ce 'yan bindigar sun buɗe wuta kan motar faston da misalin ƙarfe 8:30 na dare, inda suka kashe shi nan take.
Bayan kashe shi, 'yan bindigar sun sace mutum uku da ke a cikin motar, ciki har da wata mace da ake zaton budurwarsa ce.
'Yan bindiga na neman Naira miliyan 30
Majiyar kusa da iyalan faston ta ce 'yan bindigar sun ja gangar jikin malamin tare da sauran mutanen uku zuwa cikin daji.
Rabaran Francis Iselowo, makusanci ne ga iyalan, ya tabbatar da cewa faston da wasu uku suna kan hanyarsu ta zuwa jana'iza a Isanlu lokacin da 'yan bindigar suka farmakae su
Iselowo ya shaida cewa 'yan bindigar sun nemi Naira miliyan 30 a matsayin kudin fansar mutane ukun da ke tsare a hannunsu.
'Yan bindiga sun sace malamin addini
A wani labarin, mun ruwaito cewa wasu 'yan bindiga sun yi garkuwa da Fasto kuma shugaban cocin RCCG, Olugbenga Olawore a kan hanyarsa ta zuwa Legas.
An ce lamarin ya faru ne a lokacin da 'yan bindigar suka tare wata motar bas wadda malamin ke a cikinta, a hanyarsa ta zuwa binne mahaifiyarsa ta da rasu.
Asali: Legit.ng
