Tinubu Ya Sakawa Ɗan MKO Abiola, Ya Gwangwaje Shi da Mukami a Gwamnatinsa

• Shugaba Bola Tinubu ya nada ɗan marigayi Moshood Abiola (MKO) muƙamin hadiminsa na musamman a gwamnatinsa
• Tinubu ya nada Jami'u Abiola a matsayin hadimi a bangaren yarurruka da harkokin kasashen waje
• Kafin nadin Jami'u wannan mukami ya rike hadimi a ofishin mataimakin shugaban kasa, Kashim Shettima

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Shugaban kasa, Bola Tinubu ya sake nada hadimi na musamman a gwamnatinsa.

Tinubu ya nada ɗan MKO Abiola mai suna Jami'u Abiola hadimi a bangaren yarurruka da harkokin kasashen waje.

Tinubu ya nada dan MKO Abiola muƙami

Sakataren Gwamnatin Tarayya, Sanata George Akume shi ya tabbatar da haka a yau Laraba 27 ga watan Nuwambar 2024, cewar Daily Trust.

Cif Moshood Abiola (MKO) ya yi nasara a zaben watan Yunin 1993 da aka rusa a mulkin Janar Ibrahim Badamasi Babangida.

Kara karanta wannan

Bola Tinubu da uwar gidarsa sun kama hanya, sun lula ƙasar Faransa

Har ila yau, an bindige matarsa marigayiya Kudirar Abiola yayin da take gwagwarmaya domin neman hakkin mijinta da aka rusa zabensa.

A cewar sanarwar, muƙamin ya fara aiki ne tun a ranar 14 ga watan Nuwambar 2024 da muke ciki domin inganta harkokin gwamnati.

Muƙamin da Jami'u ya riƙe a baya

Kafin wannan nadi, Jami'u ya rike muƙamin hadimi a bangaren ayyuka na musamman a ofishin mataimakin shugaban kasa.

Tinubu ya bukaci Jami'u ya yi haɗaka da ma'aikatar harkokin kasashen waje tare da kwarewarsa wurin kawo sauyi a kasa, cewar Vanguard.

"Muƙamin Jami'u ya fara aiki ne tun a ranar 14 ga watan Nuwambar 2024 wanda ya yi daidai da tsarin dokar rike ofis na siyasa da bangaren Shari'a."

- Cewar sanarwar

Tinubu ya nada Bwala muƙami a gwamnati

A baya, mun baku labarin cewa Bayan dogon jira, Daniel Bwala ya samu muƙami a gwamnatin Bola Tinubu a yau Alhamis 14 ga watan Nuwambar 2024.

Kara karanta wannan

Shugaba Bola Tinubu da uwar gidarsa za su lula zuwa ƙasar waje

Shugaba Tinubu ya amince da nadin Bwala a matsayin hadiminsa na musamman a bangaren sadarwa da hulda da jama'a.

Wannan na zuwa ne bayan shafe watanni Bwala na yabon gwamnatin Tinubu, bayan ya yi watsi da Atiku Abubakar.

Asali: Legit.ng