Radda da Wani Gwamna Sun Gayyato EFCC, Sun ba Hukumar Kyauta domin Kafa Ofisoshi

• EFCC ta mika godiyarta ga Gwamna Umaru Dikko Radda da Gwamna Biodun Oyebanji kan ba hukumar kyautar kadarori a jihohinsu
• Shugaban EFCC, Ola Olukoyede ya ce hukumar yanzu ta samu kadarorin da za ta yi amfani da su matsayin ofishi a Katsina da Ekiti
• Olukoyede ya bayyana hakan ne a taron da ake gudanarwa kan yaki da laifuffukan intanet da ke gudana a fadar shugaban kasa

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Abuja - Gwamnonin jihohin Katsina da Ekiti sun ba hukumar yaki da cin hanci da rashawa ta EFCC kyautar wasu kadarori a jihohinsu domin kafa ofisoshinta.

Shugaban hukumar EFCC, Ola Olukoyede ne ya bayyana hakan a dakin taron fadar shugaban kasa a Abuja, inda ake gudanar da taron yaki da laifuffukan yanar gizo.

Kara karanta wannan

Yadda aka cafke Bobrisky da tsakar dare yana shirin guduwa daga Najeriya

EFCC: Taron magance laifuffukan yanar gizo

Jaridar Daily Trust ta rahoto cewa, an shirya taron ne tare da goyon bayan shirin kungiyar Tarayyar Turai da ke tallafa wa tsarin doka da yaki da cin hanci da rashawa (RoLAC II).

Yayin da yake maraba da manyan baki, Olukoyede ya ce hukumar EFCC ta fahimci cewa ba iya hukumar ce za a bar wa alhakin yaki da aikata laifuffuka a intanet ba.

Ya ce a shekarar da ta gabata, EFCC ta hada hannu da gwamnoni, sarakuna, cibiyoyin addini har da kungiyoyin matasa.

EFCC ta na aiki da kungiyoyin farar hula da dai sauransu domin a rage laifuffukan yanar gizo.

Jihohi 2 sun yi wa EFCC kyautar kadarori

Shugaban hukumar na EFCC ya ce:

"Bari in yi amfani da wannan damar domin yabawa gwamnan jihar Katsina Umaru Dikko Radda. Ya ba mu wata kadara a jiharsa domin mu kafa ofishi.

Kara karanta wannan

Ana kukan lantarki, ruwa ya karya gadar da ta haɗa ƙauyuka sama da 50

“Amma kamar yadda kuka sani, ni dan Ekiti ne, don haka, na gaya wa gwamna cewa ina son ofishi a Jiha ta, kuma ya ba mu wurin da za mu yi amfani da shi a matsayin ofishi."

Wadanda suka halarci taron sun hada da uwargidan shugaban kasa, Oluremi Tinubu; gwamnan Gombe, Inuwa Yahaya; gwamnan Zamfara, Dauda Lawal; sarkin Musulmi, Alhaji Sa'ad Abubakar da sauransu.

EFCC ta bankado dabarun 'yan Yahoo

A wani labarin, mun ruwaito cewa hukumar EFCC ta bayyana wasu sababbin hanyoyin damfara da masu kutsen yanar gizo ('yan yahoo) suka bullo da su.

EFCC ta ce a yanzu masu damfarar na kirkiro takardun haihuwa na bogi wurin bude asusun ajiya a bankuna domin samun daman gudanar da ayyukan damfara.

Muhammad Malumfashi, babban edita a sashen Hausa na Legit ya duba labarin.

Asali: Legit.ng