Asiri Ya Tonu bayan Sace Jariri Dan Kwanaki 7 a Gidan Suna

• Rundunar yan sanda a jihar Nasarawa ta tabbatar da cafke wata mata da ake zargi da satar jariri dan kwanaki bakwai da haihuwa
• Kakakin yan sanda a jihar Nasarawa, Ranham Nansel ya ce lamarin ya faru ne a karamar hukumar Keffi yayin da ake taron suna
• Legit ta tattauna da wata dattijuwa, Hauwa'u Muhammad domin jin shawarar da za ta ba mata domin kaucewa lamari irin haka a gidan suna

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Nasarawa - Rundunar yan sandan jihar Nasarawa ta bayyana cewa ta kama wata mata da ake zargi da satar jariri.

Rahotanni sun nuna cewa lamarin ya faru ne a karamar hukumar Keffi ta jihar Nasarawa a ranar 28 ga Satumba.

Kara karanta wannan

'Yan bindiga sun yi garkuwa da babban ɗan siyasa da wani shugaban al'umma a Najeriya

Jaridar Daily Trust ta wallafa cewa matar da ake zargin ta yi dabara ne ta shiga gidan sunan kafin asirinta ya tonu.

An kama mai satar jariri a gidan suna

Rahotan rundunar yan sanda ya tabbatar da cewa an kama wata mata mai suna Khadija Aliyu da zargin sace jariri a gidan suna.

Punch ta wallafa cewa ana zargin Khadija Aliyu ne da sace jaririn yayin da ake tsaka da bikin sunansa a karamar hukumar Keffi.

Yadda aka so sace jariri ranar suna

Shaidun gani da ido sun tabbatar da cewa matar da ake zargin ta shigo gidan sunan ne bayan ta yi ciko a cikinta wanda hakan zai nuna alamar tana da ciki.

Ana tsaka da bikin sunan ne sai matar ga siɗaɗe ta shiga cikin daki ta sace jaririn a kan gado ta boye a lullubinta amma tana kokarin fita aka kama ta.

Kara karanta wannan

Lantarki ta babbaka ɓarawo da aka dawo da wuta yana satar waya

...An kama barawon babur a Nasarawa

Rundunar yan sanda ta kara bayyana cewa ta kama wani matashi mai suna Hussaini Muhammad da ake zargi da satar babur.

Bayan kama Hussaini, an samu babur guda uku da ake zargin cewa sato su aka yi kuma dama an taba kulle shi a kurkuku kan sata.

Legit ta tattauna da Hauwa'u Muhammad

Wata dattijuwa mai suna Hauwa'u Muhammad ta yi da cewa ya kamata mata su kara kula idan ana bikin suna.

Hauwa'u Muhammad ta ce hanyar da za a bi wajen kubuta daga satar jariri a gidan suna ita ce a daina barinsa shi kadai yayin da biki ya kankama.

Ta ce ya zama dole mahaifiyarsa ta kasance tare da shi idan kuma ta samu wani uzuri sai tabbatar an damka shi a hannun wata matar.

Jami'an tsaro sun kama dan fashi a Jigawa

A wani rahoton, kun ji cewa rundunar yan sandan Najeriya a jihar Jigawa ta sanar da kama wasu yan fashi da makami da suka addabi al'ummar Arewa.

Kara karanta wannan

Kano: Hisbah ta yi sababbin dokoki, ta hana mata hawa Keke Napep daga karfe 10

Cikin miyagun da rundunar ta kama, har da babban ɗan fashi da makami da ya addabi mutane a jihar Jigawa da wasu sassan yankin.

Muhammad Malumfashi, babban edita a sashen Hausa na Legit ya duba labarin.

Asali: Legit.ng