An Tunowa Kabir Gombe Tsohon Wa’azinsa Yana 'Jinjinawa Tinubu' bayan Lashe Zabe
- Wani bidiyon maganganun Sheikh Muhammad Kabiru Haruna Gombe bayan zaben shugaban kasa yana yawo
- Ana tunanin malamin ya yi maganar ne kwanaki bayan jam’iyyar APC ta doke PDP da sauran ‘yan adawa a zabe
- Jama’a sun yi ca a kan malamin addinin musuluncin lura da halin da al’umma suka shiga a mulkin Bola Tinubu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada
Abuja - An lalubo wani tsohon bidiyon Sheikh Muhammad Kabiru Haruna Gombe yana magana bayan nasarar APC a zaben 2023.
A wannan bidiyo an ji malamin addinin musuluncin ya na kwararawa Bola Ahmed Tinubu yabo tun kafin ya shiga fadar Aso Villa.
Asali: Facebook
An tuno da maganar Kabir Gombe a Twitter
Wani ma’obocin dandalin X da ya fi shahara da Twitter ya wallafa bidiyon a ranar Laraba, ana magana kan kasuwar hannun jari.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Bashir Kano yake cewa Allah SWT sa Kabiru Gombe ya ga wannan bidiyo domin ya iya ba da sabon alkaluma a halin da ake ciki.
Sheikh Kabir Gombe bayan cin zabe
Sheikh Kabiru Gombe yake cewa Juma’ar da za ta yi kyau, tun daga Laraba za a gane ta, yana mai nuna za a ji dadi a mulkin Tinubu.
“Juma’a mai kyau tun daga Laraba muka gano. An rantsar da gwamnatin?
“Kasuwar hada-hadar hannun jari sun ba da sanarwa sun ce sun ci riba ta Naira Tiriliyan 1 daga lokacin da aka sanar da zabe zuwa yau.
“Suka ce daga shekara 50 zuwa yau ba a taba cin irin wannan ribar ba”
- Sheikh Kabir Gombe
Martanin da ake maidawa Kabiru Gombe
Mahadi Shehu ya rubuta:
“Daga inda malamai suka zama yan baranda, maroka, makwadaita, yan banbadanci, daga ranan a cika gaba da jiran tashin Alkiyama.
"Yanzu kam duniya ta sa ma Kabiru Gwambe ido muji ko zai tabbatar da KWALIYA TA BIYA KUDIN SABULU”
Faysal King ya ce da yawan mutane sun daina daukar shehin a matsayin wani malami.
Abubakar Muhammad Bukar yana ganin kowa yana da kason laifinsa a halin da ake ciki.
“Kowa Da nasa kason. Duk abin da tinubu yayi. Harda ku aciki. Mai kyau ne mara kyau ne.
Abubakar Lawal Waziri kuwa ya dauki zafi, ya ce:
Munafukin Banza Allah Ya Isar Mana Akanku Malamai Maciya Amana Ƴan Son Duniya Yanzu Gashinan Yobe Ankashe Mutun 127 An Ƙara Kudin Mai Bakuce Komae Tunda Kunce Zanga Zanga Haramun Ce Malaman Izala Ƴan Siyasa Kunji Kunya Wallahi Kuma Allah Yana Kallon-Ku
Wani ya ce:
"Wannan fa ni ban daukesa malami ba, sune asalin masu ci da addini"
"Ina ruwan mu da wanni stock exchange Talaka kawai ya samu saukin rayuwa Kunlun policies marasa anfani Sai wahalar da talaka kawai ake haba..."
- Inji MuF_deeny
Uncle Skuki yake cewa abin takaici ne a ce irin wadannan su ne jagororin kungiyar Izala, wasu kuma sun ba malamin kariya.
Wasu sun bayyana cewa a lokacin da Muhammadu Buhari ya yi nasara a kan PDP ne ya yi wannan magana ba a zaben 2023 ba.
Malamai na kuka da gwamnatin APC
Idan za a tuna, Bola Tinubu ya yi nasara a zaben shugaban kasa a karkashin jam’iyyar APC, ya doke Atiku Abubakar da Peter Obi.
Sai dai watanni da yin wannan magana sai ga shi malamai na kuka da gwamnati mai-ci, su ka nemi gwamnatin kasar ta gyara zama.
Asali: Legit.ng
