An Barke da Murna da Fitaccen Dan Kasuwa a Arewa Ya Rage Farashin Siminti

• Wani mai amfani da kafar sadarwa ta X ya wallafa cewa kamfanin siminti na Dahiru Mangal ya fara siyar da siminti a farashi mai sauki
• Matashin mai suna Maleek Anas ya wallafa a shafin X cewa ya sayi buhunan siminti guda biyu kan kudi N6,000
• Wasu mutane da dama sun fara bincikar wurin da za su samu damar siyan simintin yayin da ake fama da tsadar rayuwa

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Kogi - Fitaccen dan kasuwa a Najeriya, Dahiru Mangal ya fara siyar da siminti a kamfaninsa da ke jihar Kogi.

Kamfanin mai suna Mangal Cement Company mallakar attajiri dan jihar Katsina an kashe masa kudi kimanin $1.5bn.

Kara karanta wannan

Tsadar rayuwa: Jigon PDP ya fadi yadda Tinubu zai magance matsalolin Najeriya

Matashi ya fadi yadda ya sayi siminti

Wani mai amfani da kafar sadarwa ta X, Maleek Anas ya wallafa wasu buhunan siminti guda biyu da ya siya a farahin mai rahuwa.

Anas ya wallafa buhunan guda biyu inda ya ce ya sayi kowane kan N6,000 kacal a kamfanin.

"Farashin simintin Mangal N6,000 kacal ake siyarwa."

- Maleek Anas

Siminti: Mutane da dama sun yi martani

@Melebroz 1:

"Wannan mataki ne mai kyau, sai dai ina tunanin kamfanin Mangal ba zai iya samar da siminti buhuna 200 ba a rana."

@YDutsun44451:

Muna godiya Mangal da ka kawo gasa a kasuwancin siminti, ya kamata ka rage farashin saboda ka kara samun kwastomomi."

@de_profde_chef:

Shin za a iya ragewa zuwa N4,000 kacal? sannan ya yanayin karfin simintin yake."

@Abbadanejo:

"Ina son siyan buhu 50, shin akwai wanda zai taimakamin da haka?"

Kara karanta wannan

Doguwa v Jibrin: 'Dan majalisar APC ya karyata zargin kashe rayuka a Kano domin cin zabe

Kamfanoni sun ki rage farashin siminti

A wani labarin, Kwamitin da ke bincike kan farashin siminti ya bayyana halin da ake ciki kan zama da majalisar wakilai za ta yi da kamfanonin siminti.

A ranar Litinin 20 ga watan Mayun 2024 Majalisar ta gayyaci manyan kamfanonin domin su gurfana a gabanta kan shawo tsadar siminti a Najeriya.

Shugaban kwamitin binciken farashin siminti da majalisar ta kafa, Jonathan Gaza Gefwi ya ce suna fakewa da umurnin kotu wurin kin amsa gayyatarsu.

Asali: Legit.ng