El Rufai vs Uba Sani: Majalisar Kaduna Ta Bankado Shirin Mukarraban Tsohon Gwamna
- Majalisar jihar Kaduna ta caccaki mukarraban tsohon gwamnan jihar Kaduna kan zarginsu da ake da badakalar kudi
- Majalisar ta yi fatali da korafinsu na cewa akwai kura-kurai a cikin rahoton binciken gwamnatinsu da ta shude
- Wannan na zuwa ne yayin da ake ci gaba da takun-saka tsakanin Nasir El-rufai da Gwamna Uba Sani a Kaduna
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Kaduna - Majalisar jihar Kaduna ta yi zazzafan martani ga mukarraban tsohon gwamna, Nasir El-Rufai kan zargin badakala.
Majalisar ta ce ba gudu ba ja da baya kan rahotonta game da zargin El-Rufai game da karkatar da N423 lokacin mulkinsa.
![Majalisar Kaduna ta yi martani kan badakalar N423bn da ake zargin El-Rufai Majalisar Kaduna ta yi martani kan badakalar N423bn da ake zargin El-Rufai](https://cdn.legit.ng/images/1120/449f1d60bae33f6b.jpeg?v=1)
Asali: Twitter
Majalisar Kaduna ta yi martani ga El-Rufai
![](https://cdn.legit.ng/images/360x203/449f1d60bae33f6b.jpeg?v=1)
Kara karanta wannan
"Wannan faɗa za ta yi garɗi": El-Rufai ya shiga sukar Uba Sani, ƴan Najeriya sun yi martani
Wannan na kunshe ne cikin wata sanarwa da shugaban kwamitin binciken Majalisar, Henry Magaji ya fitar, cewar Vanguard.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Magaji wanda shi ne matamakin shugaban Majalisar ya ce sun samu labarin sanarwar da mukarraban El-Rufai suka fitar kan zargin badakala.
Ya ce mukarraban sun ce sun gano wasu kura-kurai a cikin rahoton da ake zarginsu a kai na hamdame makudan kudi, Leadership ta tattaro.
Korafin Majalisar Kaduna kan zargin El-Rufai
"Idan har su masu gaskiya ne da ya kamata su kawo ci gaba a jihar madadin fakewa da kuma karkatar da makudan kudin jihar."
"A cikin sanarwar da suka fitar, sun ce akwai kura-kurai a rahoton inda suke bata sunan Majalisar da kuma zargin shirinta na bincikensu."
"Babu wani abin da zamu yi martani a kai na wannan korafi na su tun da sun gagara yin magana kan babbar maganar da ake zarginsu a kai."
![](https://cdn.legit.ng/images/360x203/30bfcd0a42523972.jpeg?v=1)
Kara karanta wannan
Ana fafutukar bawa mata mukaman gwamnati, an gano minista ta kashe miliyoyi kan sayen auduga
- Henry Magaji
El-Rufai ya shiga sukar gwamnatin Uba Sani
A wani labarin, kun ji cewa tsohon gwamnan jihar Kaduna, Nasir El-Rufai ya yi martani bayan wani ya caccaki gwamnatin Uba Sani.
El-Rufai ya yi martanin ne bayan wani mai amfani da shafin X ya wallafa hotuna da ke kushe gwamnatin da rashin katabus.
'Yan Najeriya da dama sun yi martani bayan yada wallafar da El-rufai ya yi inda wasu suke korafin cewa shi ya ma yana da laifuffuka.
Asali: Legit.ng