Dambarwar Sarauta: Kanawa Sun Nemi Taimakon Abba, Ƴan Daba Sun Mamaye Kano

• Mazauna garin Kano sun fara shiga fargaba kan yawaitar ƴan daba a fadin jihar musamman saboda rigimar sarauta da ake yi
• Mutane da dama da ke Dala da Gwale da sauran yankuna sun koka kan lamarin inda suka bukaci taimakon jami'an tsaro
• Wannan na zuwa ne yayin da ake ci gaba da dambarwar sarauta a jihar da ke kara kawo cikas a zaman lafiyarta fiye da mako ɗaya

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Kano - Yayin da ake ci gaba da dambarwa kan sarautar Kano, mazauna birnin sun nuna damuwa kan tabarbarewar tsaro.

Mazauna yankin Gwale da Dala da ke Kano sun bukaci karin jami'an ƴan sanda domin inganta tsaro.

Kara karanta wannan

Yayin da ake rigimar sarautar Kano, tsaro ya tabarbare, an farmaki gidan shugaban APC

Kano: Mutane sun nemi taimakon Abba

Mutane da dama sun nuna fargaba kan yadda ake samun yawaitar ƴan daba yayin da ake rigimar sarauta a jihar, cewar Daily Nigerian.

Sun roki Gwamna Abba Kabir da ya kawo karshen matsalar baki daya wurin samar da ingantaccen tsaro.

Har ila yau, mazauna yankuna da dama sun bukaci a samar da isassun jami'an tsaro da za su kawo zaman lafiya a jihar duba da halin da ake ciki yanzu.

Korafin wasu masana Kano kan rashin tsaro

Wani a karamar hukumar Gwale, Abubakar Mohammed ya bayyana yadda ƴan daba suka yiwa matarsa fashi a yankin.

Har ila yau, Abdulmumin Shehu da ke Dala da Aishatu Abu da ke yankin Dan Agundi sun bukaci karin jami'an tsaro a yankin.

Wannan tabarbarewar tsaro bai rasa nasaba da rigimar da ke faruwa a jihar na sarauta wanda ya kara bullar ƴan daba.

Kara karanta wannan

Kano: Ƴan tauri sun koka a fadar Sanusi II yayin da Gwamnatin Tarayya ke gadin Aminu Ado

Yan sanda sun dakile harin yan daba

A wani labarin, kun ji cewa rundunar yan sanda ta tabbatar da dakile harin yan daba a gidan shugaban APC a Kano.

Yan daban sun yi yunkurin kutsawa gidan Abdullahi Abbas ne a ranar Juma'a 31 ga watan Mayu a karamar hukumar Gwale.

Mazauna yankin suna nuna damuwa kan yadda ƴan daba ke kara yawa musamman dalilin rigimar sarauta da ake yi a jihar.

Asali: Legit.ng