Ana Kukan Abinci Ya Yi Tsada, ’Yan Najeriya Na Shan Lita Biliyan 1.6 Ta Madara a Shekara
- Gwamnatin tarayya ta bayyana cewa 'yan Najeriya na shan lita biliyan 1.6 ta madara yayin da take kashe dala biliyan 1.5 a kowacce shekara
- Karamin ministan noma da samar da abinci, Sanata Aliyu Abdullahi ya bayyana hakan a taron bikin ranar madara ta duniya ta 2024
- Sanata Abdullahi ya ce taken bikin a Najeriya shi ne: “Samar da madara mai gina jiki da kuma nemo masu zuba jari a harkar sarrafa madara."
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Abuja - Karamin ministan noma da samar da abinci, Sanata Aliyu Abdullahi, ya ce ‘yan Najeriya na shan kimanin lita biliyan 1.6 na madara a duk shekara.
Sanata Abdullahi ya bayyana hakan a wani taron manema labarai a ranar Asabar a Abuja domin bikin ranar madara ta duniya ta 2024.
Asali: Getty Images
Karamin ministan ya ce kashi 60 na kayayyakin madara ana shigo da su ne daga kasashen waje, kamar yadda jaridar Vanguard ta ruwaito.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
2024: Bikin ranar madara ta duniya
Kamfanin dillancin labarai na Najeriya (NAN), ya ruwaito cewa, 1 ga watan Yuni, ita ce ranar da aka kebe domin bikin ranar madara ta duniya.
Taken bikin ranar madara ta duniya a bana shi ne: "Mu yi bikin murnar sarrafa madara mai gina jiki da dorewa."
Sanata Abdullahi ya ce taken bikin a Najeriya shi ne: “Samar da madara mai gina jiki da kuma nemo masu zuba jari a harkar sarrafa madara."
2024: An sha lita 1.6b ta madara a Najeriya
Jaridar PM News ta ruwaito ministan na cewa Najeriya na kashe dala biliyan 1.5 a duk shekara wajen shigo da kaso 60 na madara da kayayyakin ta.
Kara karanta wannan
Gwamantin tarayya da fadi matakan da ta dauka domin rage hauhawar farashin abinci
“Wannan ya faru ne saboda gibin da ake samu wajen samar da madara a kasar, yayin da ‘yan Najeriya ke shanye akalla lita biliyan 1.6 na madara da kayayyakin ta a shekara.
"Burin shugaban kasa Bola Tinubu shi ne mu samu wadataccen abinci a kasa ta yadda za mu rika fitar da kayayyakin madara zuwa kasashen Afirka a karkashin yarjejeniyar AfCFTA)."
- In ji Sanata Abdullahi.
Sarrafa rogo zuwa sinadarin fetur a Enugu
A wani labarin, mun ruwaito cewa, gwamnatin tarayya da ta jihar Enugu sun kulla yarjejeniyar noman rogo da sarrafa shi zuwa sinadarin fetur.
Wannan yarjejeniyar wadda aka yi nasara a matakin gwaji, za ta taimaka wajen habaka noman rogo da bunkasa tattalin arziki, tare da magance rashin aikin yi da rashin tsaro.
Asali: Legit.ng
