An Tafka Babban Rashi Bayan Mutuwar Tsohon Minista a Najeriya

• Jihar Delta ta shiga jimami bayan mutuwar tsohon karamin Ministan ilimi, Cif Kenneth Gbagi a jiya Asabar 4 ga watan Mayu
• Marigayin wanda ya tsaya takarar gwamnan jihar a karkashin jam'iyyar SDP ya kasance babban ɗan kasuwa a fadin jihar
• Tsohon gwamnan jihar Delta, Cif James Ibori ya tabbatar da mutuwar tsohon Ministan inda ya yi masa addu'ar samun rahama

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

Jihar Delta - An shiga jimami bayan tsohon karamin Ministan ilimi, Cif Kenneth Gbagi ya riga mu gidan gaskiya ya na da shekaru 62.

Gbagi ya yi takarar gwamnan jihar Delta a zaben da aka gudanar a shekarar 2023 da ta gabata.

Kara karanta wannan

UTME 2024: Gwamnan Kwara ya mika sako ga daliban da suka ci mai yawa a JAMB

Takarar marigayin a zaben gwamnan Delta

Marigayin ya yi takara a jam'iyyar adawa ta SDP a zaben wanda ya kasance daya daga cikin manyan masu neman kujerar.

Tsohon gwamnan jihar Delta, Cif James Ibori ya tura sakon jaje ga iyalan marigayin inda ya yi masa addu'ar samun rahama.

Ibori ya bayyana haka a shafinsa na Facebook a jiya Asabar 4 ga watan Mayu inda ya ce yi addu'ar Ubangiji ya jikansa.

"Olorogun Kenneth Gbagi. Abovwolovwolo. Atighoyowa. Ka tafi kenan, ubangji ya jikanka ya sa ka huta.”

- James Ibori

Sanarwa daga iyalan marigayin

Babban ɗan marigayin, Emuoboh Gbagi ya fitar da sanarwa kan mutuwar mahaifin nasu a madadin iyakansa gaba daya.

Emuoboh ya ce tsohon ministan ya rasu ne a jiya Asabar 4 ga watan Mayu yana da shekaru 62 a duniya.

Kara karanta wannan

Borno: Gwamna Zulum ya tafka babban rashi yayin da hadiminsa ya rasu

Marigayin kafin rasuwarsa ya kasance babban ɗan kasuwa wanda ya mallaki otal na Four-Star da kuma manyan kantuna a Warri da kuma karamar hukumar Effurun a jihar.

Zulum ya tafka babban rashi a Borno

A wani labarin, kun ji cewa hadimin Gwamna Babagana Umara Zulum ya riga mu gidan gaskiya a Maiduguri.

Marigayin mai suna Cif Kester Ogualili ya riƙe muƙamin hadimin gwamnan a bangaren harkokin al'umma.

Ogualili ya fito ne daga karamar hukumar Dunukofia a jihar Anambra wanda ya shafe tsawon rayuwarsa a jihar Borno.

Asali: Legit.ng