CBN Ya Ba Gwamnati Da ’Yan Majalisu Na da Laifi a Hauhawar Farashin Kayan Abinci

• Gwamnan babban bankin Najeriya (CBN),Olayemi Cardoso ya yi magana kan hauhawar farashin kayayyaki a kasar
• Cardoso ya yi nuni da cewa sayan kayan abinci da gwamnati da 'yan majalisu suka yi domin rabawa talakawa ya jawo tsadar kayayyaki
• Gwamnan CBN ya ce akwai bukatar hukumomin kasafin kudi su dakile dukkanin abubuwan da zai jawo tashin kayayyakin

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Olayemi Cardoso, gwamnan CBN ya ce sayan kayan abinci da gwamnati da 'yan majalisu suka yi domin rabawa talakawa ya jawo tsadar kayan abinci a kasar.

Cardoso ya bayyana hakan ne a cikin gudunmawar da ya bayar a lokacin taron kwamitin kudi na MPC, wanda aka buga a shafin yanar gizon CBN.

Kara karanta wannan

Gwamnan CBN ya bayyana abubuwan da ke kawo tashin farashin kayayyaki a yanzu

Hauhawar farashin kayayyaki a Najeriya

A ranar 25 ga Maris, MPC ta kara yawan ribarta daga kashi 22.75% zuwa kashi 24.75% a wani yunkuri na dakile hauhawar farashin kayayyaki, jaridar The Cable ta ruwaito.

Har ila yau, a wani rahoton Vanguard, an ji hauhawar farashin kayayyaki a Najeriya a watan Maris ya karu zuwa kashi 33.2%, daga kashi 31.70% a watan Fabrairu.

Hauhawar farashin kayan abinci ya kai kashi 40.01% a cikin wannan watan, wanda ya karu da kashi 15.56% a shekara idan aka kwatanta da kashi 24.45% a watan Maris na 2023.

Da yake tsokaci game da hauhawar farashin kayayyaki, Cardoso ya ce an kasa samun faduwar farashin kayayyaki duk da karin ribar da aka yi a watan Fabrairu.

CBN ta kawo mafita kan tsadar kaya

Channels TV ta ruwaito Cardoso na cewa:

Kara karanta wannan

Sabon mafi karancin albashi: Gwamnoni sun yi wa ma'aikata kyakkyawan albishir

“Duk da cewa an samu daidaiton Naira a kasuwar canji sakamakon matakan da aka dauka a wancan taron na MPC karo na 293, farashin kayayyakin ya ki ya ragu.

“Daga bayanan da aka gabatar wa MPC, akwai alama a bayyane cewa abubuwan da ke haifar da hauhawar farashin kayayyaki sun ki ba da kai balle bori ya hau har a kawar da su."

Gwamnan na CBN ya ci gaba da cewa akwai bukatar hukumomin kasafin kudi su kara kaimi wajen dakile sababbin abubuwan da ke haifar da hauhawar farashin kayayyakin.

Darajar Naira ta fadi zuwa N1,402/$1

A wani rahoto da Legit Hausa ta fitar a safiyar Juma'a, an ga yadda darajar Dalar Amurka ta kara tashi sama zuwa N1,402 a kasuwar hada-hadar kudi ta duniya.

Wannan na zuwa ne duk da kokarin babban bankin Najeriya (CBN) na ganin Naira ta daidaita domin farfado da tattalin arzikin kasar.

Asali: Legit.ng