Budurwa Ta Siya Katon Gida a Turai Tana da Shekaru 22, Ta Yi Murnar Zama Mai Gidan Kanta

• Wata mata da ta cimma abubuwan da mutane da dama ke mafarkin mallaka a ganiyar kuruciya ta yi bidiyo a dandalin TikTok
• Matashiyar ta tsaya a gaban sabon gidanta sannan ta bayyana cewa ta kafa tarihi ta hanyar zama mai gidan kanta
• Mutane sun bayyana cewa labarinta ya karfafa masu gwiwa, kuma suna fatan ginawa ko siyawa kansu gida nan ba da dadewa ba

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amura

Wata matashiya mai shekaru 22 ta cika da murna yayin da ta zama mai gidan kanta a turai tun tana da kuruciyarta.

Matashiyar (@mkaythecreator) ta cika da farin ciki yayin da ta tsaya a gefen sabuwar motarta kirar Audi da ke fake a gaban gidan. Ta sanya bakar riga.

Kara karanta wannan

Bayan shafe shekaru 5 a turai, matashi ya tattara kudinsa, ya gina dankareren gida a mahaifarsa

Siyan gida a Amurka

Ta fada ma mutane cewa ta karya tsiyar da ke bibiyarsu da wannan nasara. Mutane da dama a sashinta na sharhi sun cika da mamakin yadda ta yi hakan.

Wasu 'yan tsirarun mutane sun bayyana cewa suna kokarin gano mai za su yi da rayuwarsu a shekaru 22. Mai gidan ta baje kolin cikin gidan a wani bidiyo.

Kalli bidiyon a kasa:

Jama'a sun yi martani kan bidiyon

JBya ce:

"Ban ma san ki ba amma ina alfahari da ke kuma ina rokon Allah ya albarkace ki da karin gidaje."

Lissa Edd ta ce:

"Shekaruna 22 kuma har yanzu ina tambayar mahaifiyata me zan ci da daddaren nan."

lil.Keesha ta ce:

"Zan ci gaba da tafawa sauran mata har sau ya zo kaina."

jaylene n ta ce:

"Godiya ga Allah, na tayaki murna!"

Kara karanta wannan

"Sun ce ba zan auru ba": Saurayi ya auri matar da ta haifi yara 4, an yi biki na kece raini

efriyie ta ce:

"Ni a shekaru 22 ina amfani da iPhone 7."

Matashi ya fara gini bayan shekaru 5 a turai

A wani labari makamancin wannan, wani matashi 'dan Najeriya da ke zama a UK ya yi bidiyon gidan da ya yi nasarar samu daga shekaru biyar d aya yi a turai.

Mutumin (@lil.carmas.uk) ya tura kudi gida don a gina masa hadadden gida. Bidiyon nasa ya hasko yadda aikin ginin ke gudana.

Har ma ya nuna tsarin ginin da ya yi amfani da shi. Kowane kusurwa na gidan yana da ginshikan da za su iya jure nauyin ginin.

Asali: Legit.ng